Devon Seron: "Promdi Sweetheart ng Cebu"

Nickname: Devon

Status: In House

Real Name: Devon May

Natividad Seron

Origin: Cebu City

Age:16

Birthdate: May 20, 1993

Nationality: Filipino

Occupation:

Civil Status: Single

Religion: Roman Catholic

Hobbies: Badminton

Favorite Color: Blue

Favorite Food: Spaghetti

Favorite Show: ASAP

Favorite Actor: John Lloyd Cruz

Favorite Actress: Bea Alonzo

Favorite Singer: Paramore, Avril Lavigne

CEBU, Philippines - Tsika sa www.pinoybigbrother.com, nagtubo sa squatters area sa barangay Labangon si Devon, diin unom sila ka buok nga nagpuyo sa usa ka barong-barong. Sa kagamay sa ilang gipuy-an, tulo ka lakang lang, malibot na nimo ang ilang barong-barong.

Company driver ang amahan ni Devon, samtang mo-raket ang iyang inahan pinaagi sa pag-apod-apod og leaflets. Upat sila ka magsuon. Tungod sa kalisud sa pagkinabuhi, nasinati na ni Devon nga dili makakaon sulod sa usa ka adlaw. Usahay maka kaon nga buwad ang sud-an.

Pero bisan pa niini, nagtubo si Devon nga malipayon. Ang alegre kay ganahan kaayo siya musul-ob og panlaki nga mga sapot, kanunay siya mamanos sa iyang papa, hinungdan nga usahay ang iya na lang amahan maoy musul-ob og binabaye.

Nasayran sa Banat Hugyaw nga kanhi tinun-an sa University of Cebu si Devon, apan tungod kay duna siya’y scoliosis, dili siya mahimong mahago. Tungod sa kalayo sa UC sa ilang panimalay, napugos siya og balhin sa Little Angels Montessory nga atbang ra gyud sa ilang pinuy-anan.

Nag-first year siya sa UC, pero pag-second year niya hangtud fourth year, mibalhin na siya sa Little Angels Montessory.

Dili unta siya maka-graduate tungod kay may bayranan siya nga nagkantidad og P9, 500, apan giabaga ni Big Brother ang maong kantidad. Si Devon migradwar niadtong Marso 27, isip third honor .

Ang amahan ni Devon nga si Sonny, kinsa nahinabi sa Banat Hugyaw kagahapon sa hapon, mihulagway kang Devon nga buotan nga pagka-anak si Devon, dili ganahan molaag.

“Mogawas rana sa balay si Devon, kung dunay paliton sa gawas, dili gyud na siya hilig og barkada, magpuyo ra gyud na siya sa balay permi if wala siya’y buhaton,” ni Sonny pa.

 Panghinaut ni Sonny nga suportahan unta ang iyang anak sa mga Sugbuanon.

Dugang pa niya nga wa siya magdahom nga moapil ang iyang anak sa PBB sanglit wa kini mananghid sa dihang mi-audition kini sa maong reality show.

“Nahibulong ko niya sauna, kay milakaw na siya kadlawon, wala gud na siya nagpahibalo nga mi-audition na diay, wa pud na siya nagsaba-saba nga nadala siya sa screening. Kung mao gyud na ang iyang gusto, amo siya nga suportahan, siyempre proud gud ko sa iyang pagkasulod sa PBB,” saysay pa ni Sonny.

* * *

(Ila-ilaha ugma ang lain pang taga Cebu nga si Fretzie Joan Ruite Bercede. Manuki-duki pud kita kabahin ni Rebecca Dimataga Chiongbian.

Hugyawnatics, kung kaila ninyo ang tulo ka mga Sugbuanon nga tua na sa sulod sa PBB house, text sa 09295886046, aron mahatagan nato og igong suporta ang atong mga pambato.)