MANILA, Philippines - Dalawang executives ng ABS-CBN ang pinarangalan sa katatapos lamang na 2010 CEO Communication Excellence in Organizations (CEO EXCEL) Awards.
Pinarangalan sina ABS-CBN president at chief operating officer Charo Santos-Concio at ABS-CBN Foundation managing director Gina Lopez bilang dalawa sa 12 CEO Excel Awards ngayong taon.
Kinilala si Santos-Concio sa kategoryang Media, Advertising, PR, Entertainment, Special Events and Sports category sa kanyang mahusay na pamamahala ng ABS-CBN Broadcasting Corporation. Mas lalong lumakas ang mga programa at sales ng network, kinilala ang kanilang corporate governance, at mga public service programs.
Wagi naman si Gina Lopez sa Non-Government Organizations, Corporate Foundations, Industry Associations and Civil Society category. Si Lopez ang frontrunner ng mga advocacy efforts ng ABS-CBN Foundation tulad ng e-media, Bantay Bata 163, Bayan Foundation, at Bantay Kalikasan. Latest project ng foundation ang proyektong Kapit Bisig para sa Ilog Pasig.
Ginawaran ng lifetime achievement award ang chairman emeritus ng Lopez Group of Companies na si Oscar Lopez para sa natatangi nitong kontribusyon sa larangan ng business communications.
Ang CEO EXCEL Awards ay ibinibigay ng grupong International Association of Business Communicators (IABC) Philippines sa mga CEO’s, presidents, at mga top level executives mula sa iba’t ibang industriya bilang pagkilala sa kanilang husay sa paggamit ng business communications strategies.