Jennylyn at Dennis pipigain ng Startalk

MANILA, Philippines - Iisa-isahin ng Startalk ngayong Sabado, April 10 ang mga intrigang kinasasangkutan ng maiinit na stars.

Nahuli si Jennylyn Mercado at Dennis Trillo na sweet na sweet noong nakaraang Holy Week. Ano nga ba ang tutuong score sa kanilang dalawa?

Apektado raw ang mga magulang ni Claudine at Gretchen Baretto sa hindi pagkakaintindihan ng magkapatid. Ano ang katotohanan sa alitang di umano’y palala nang palala?

Ang matagal na live-in partners na sina KC Montero at Geneva Cruz ay umamin na sa kanilang hiwalayan. Ano ang mga natatagong pinagdaanan at ang mga plano sa hinaharap ng dating magkasintahan?

Tinanggalan ng korona si Bb. Pilipinas-Universe Maria Venus Raj pero hindi siya susuko sa kanyang laban para sa korona. Abangan ang madamdaming pahayag ni Maria sa isyu.

At Rachelle Ann Go, certified Kapuso na nga ba? Saang mga programa mapapanood ang magandang singer?

Ito at marami pang iba ay buong tapang na sasagutin ng undisputed showbiz authority ng bansa, Startalk ngayong Sabado.