Seen : Ang tampo ni Claudine Barretto dahil tatapatan ng guesting ni Gretchen Barretto sa Maalaala Mo Kaya ang pilot telecast ng kanyang drama anthology sa GMA 7. It’s Gretchen vs Claudine sa April 10.
Scene : Ginaya ng Dokumentado ang format ng TMZ. Ang Dokumentado ang show ni Luchi Cruz-Valdes. Mamayang gabi ang premiere telecast sa TV5 ng Dokumentado.
Seen : Surprise guests sa presscon ng Claudine ang asawa at mga anak ni Claudine Barretto. Magkasamang dumating ang mag-aamang Raymart, Sabina at Santino.
Scene : Naka- post na sa Youtube ang videoclip ng pangangampanya ni Baby James Yap para kay Senator Manny Villar. Pitong segundo ang haba ng videoclip at nagpapakita kay Baby James na karga ni Kris Aquino nang sabihin niya ang “Villar.”
Seen : Bumalik na si Cesar Montano sa Bohol para ituloy ang kanyang pangangampanya. Tumatakbong gobernador ang aktor.
Scene : Hindi effective na newscaster si TJ Manotoc sa Studio 23. Hindi maganda sa pandinig ang kanyang matinis na boses.
Seen : Regular na ang pagbisita ni Chokoleit sa kanyang dermatologist. Seryoso si Chokoleit na pakinisin ang kanyang mukha na tadtad ng pimples.
Scene : Hindi kailangan ng The Buzz ang additional male co-host. Kayang-kaya ni Boy Abunda na dalhin ang show nila ni Kris Aquino.