CEBU, Philippines - Kini kay matud pa mireklamo si Arrieta ngadto kang Binibining Pilipinas Charities Incorporated chairperson Stella Marquez Araneta nganong dili siya maoy representante sa Miss Universe nga siya man ang “number one sa ranking” sa milabay nga Bb. Pilipinas 2010 pageant.
Ang tsika sa tinubdan sa Banat Hugyaw mao nga dili ganahan si Araneta kang Kleiner, ug aron mahunong na ang reklamo niini, iyang giingnan ang nahisgutan nga dili siya mamahimong pambato sa MU pageant gumikan kay wala siya mahimugso dinhi sa Pilipinas.
Mihilom matud pa si Krista, hangtud nga sa usa ka “function” may nangutana kang Venus nganong Raj ang iyang apelido, ug gitubag matud pa sa nauwahi og, “because I was born in Doha, Qatar.”
Nakadungog matud pa si Krista niini, ug kini maoy iyang gigamit nga rason sa iyang subling pagreklamo ngadto kang Araneta nga matud pa wala nay nahimo tungod kay naunay kini sa iyang gimugna nga rason. Samtang usa ka kanhi Bb. Pilipinas-Universe winner nga dinhi sa Sugbo niining bag-o lang ang mibutyag ngadto sa Banat Hugyaw nga ang requirement mao lang kinahanglan Filipino citizen ang kandidata sa Miss Universe ug wala magpasabot nga kinahanglan dinhi siya sa Pilipinas matawo.
Dungan niini, gitakdang mosalmot na sa imbestigasyon ang Commission on Human Rights kabahin sa pagkatangtang ni Venus isip Bb. Pilipinas Universe.
Pangutana ni CHR chairperson Leila de Lima, nahatagan ba og igong panahon si Venus nga makapasabot una pa kini gitangtangan og korona.
Nasayran nga parehong taga Bicol sila si Delima ug Raj.