Palito tabanganan

CEBU, Philippines - Gitakdang ibalhin sa Philippine General Hospital ang komedyante nga si Palito, human kini ma-admit sa Imus Family Hospital kagahapon gumikan sa grabeng sakit sa tiyan. Giingon si Senador Bong Revilla ang miabaga sa bayranan ni Palito sa Imus Hospital, pero nanawagan pa ang pamilya og tabang pinansyal, ingon man mga pag-ampo. Alang sa buot mutabang mahimong manawag sa anak ni Palito nga si Jhune sa 0912 8144212.

Sexbomb naguol

Naminghoy ang mga sakop a Sexbomb dancers human nila masayri ang isyu nga matud pa nga katapusan na lang nga season sa Daisy Siete ang Adam and Eve. Hangtud karon wa pa gyud mohatag og official statement ang GMA-7 kabahin sa tsismis nga matud pa napalit na sa Viva ang timeslot sa Daisy Siete.

Panghinaut ni Rachelle

Magsugod na si Rachelle Ann Go sa Party Pilipinas sa GMA-7 karong Abril 11. Aminado ang singer nga mag-adjust siya og maayo sa tawo nga iyang makauban sa maong show . Panghinaut niya nga padayon siya nga suportahan sa iyang mga fans nga nagsunod kaniya ilabi na sa panahon pa niya sa ASAP sa ABS-CBN.

Andi naputos sa saway

Napuno sa pagsaway ang bida sa Agua Bendita nga si   Andi Eigenmann gumikan kay hilaw kini moarte sa papel nga Agua. Matud pa sa mga himantayon nga kung dunay sunod nga proyekto ang aktres sa Dos, kinahanglan nga kontrabida ra gyud ang role niini nga maoy haom kaniya.

Sheena nangandoy gihapon kang Rainier

Nasagmuyo si Sheena Halili sa pagbalhin sa iyang ka-loveteam nga si Rainier Castillo ngadto sa TV 5 nga nagtimaan nga nahupas napud ang ilang team-up. Tsika pa sa aktres nga iyang gipanghinaut nga makauban gihapon niya puhon si Rainier sa usa ka proyekto.

Valerie: wa ko mahadlok!

Giklaro ni Valerie Concepcion nga wa siya nahulga sa balita nga dunay mapuno nga host sa Wowowee diin usa niini mao si Georgina Wilson. Matud pa ni Valerie nga iyang gihangop ang maong balita kay segurado siya mosamot kasadya ang show kung daghan nga personalidad ang makita sa telebisyon.

TV 5 nagparamdam kang Vhong

Mitumaw karon ang report nga target karon sa TV 5 nga i-pirate ang ABS-CBN talent nga si Vhong Navarro. Apan gikataho nga di buhian si Vhong sa Dos kay dako kini og nahatag nga kontribusyon sa network ilabi na nga nagpabilin nga nag-una ang Showtime sa ratings.