Stairway To Heaven at Adik Sa 'Yo puwede nang panoorin sa DVD
MANILA, Philippines - Ngayong panahon ng tag-init, damhin ang dalawang magkaibang mukha ng pag-ibig kasama ang mga pinakabagong handog ng GMA Records & Home Video.
Balikan muli ang abo’t langit na pagmamahalan nina Cholo at Jodi kasama ang kompletong DVD set ng Stairway to Heaven. Itinatampok ang kauna-unahang pagsasama nina Dingdong Dantes at Rhian Ramos, maituturing ang STH na isa sa pinaka-nakakaantig at di-malilimutang programa ng Kapuso Network.
Tiyak na matutuwa ang mga fans ng programa dahil maaari na nilang balik-balikan ang mga eksenang tumatak at nagpaluha sa kanila. Mabibili na ang volumes 1 hanggang 6 ng STH DVD sa halagang P225.00 bawat isa.
Mula sa drama, ma-inlove naman kasama ang romantic-comedy series na Adik Sa ‘Yo na pinagsamahan nina Dennis Trillo, Jennica Garcia, Marvin Agustin at Jolina Magdangal.
Samahan muli sina Ruben, Karen, Carlos at Joana sa kanilang pakikipagsapalaran sa ngalan ng pag-ibig, at sariwain ang nakakatawa, nakakakilig, at nakakabaliw na bahagi ng pagiging in love!
Ang Adik Sa ‘Yo Volumes 1 hanggang 6 ay mabibili sa halagang P175.00 bawat isa.
Gawing mas espesyal ang inyong summer kasama ang Stairway to Heaven at Adik Sa ‘Yo DVDs na mabibili na sa Astroplus, Astrovision, Video City, SM Record bars at Odyssey Music Video outlets sa buong bansa.
- Latest
