MANILA, Philippines - Ngayong Martes (Mar. 30) ay mapapanood sa Q Channel 11 ang isang TV documentary tungkol sa success story ng girl group na kinabibilangan ngayon ng dating showbiz teen sensation sa Pilipinas na si Sandara Park – ang Legend of 2NE1.
Kasama ni Sandara sina CL, Park Bom at Minzy, na pare-parehong taga-South Korea, sa hip hop group na 2NE1 na ang ibig sabihin ay New Evolution of the 21st Century.
Ikukuwento sa documentary kung paano sumikat ang grupo sa pamamagitan ng kanilang mga music videos, live performances, at interviews.
Abangan ang Legend of 2NE1 ngayong Martes, 8:20 p.m, sa Q Channel 11.