Tsismis kay Sunshine nanggagaling sa kanyang ina

Seen : Ngayong umaga ang cremation ng labi ni Christian Angelo Manhilot, ang anak ni Cesar Montano na nagpakamatay noong Biyer­nes nang madaling-araw. Nagbaril sa sarili si Angelo.

Scene : Si Eric Quizon ang direktor ng unang episode ng drama anthology ni Ruffa Gu­tierrez sa TV5. Si Eric din ang direktor ng sitcom ni Dolphy sa TV5.

Seen : Lito ang pangalan ng fan ni Nora Aunor na nangha-harass sa mga reporter na nagsusulat ng hindi pabor sa kanyang idolo. Si Lito rin ang nagpapadala ng mga mapanirang text message laban kay Vilma Santos. Gina­gamit niya sa pangha-harass ang cellphone number 09323359843.

Scene : Ang nanay ni Sunshine Dizon na si Dorothy Laforteza ang itinuturo na source ng mga balita tungkol sa mga personal na pangyayari sa buhay ng kanyang anak.

Seen : Ang pag-amin ni Sarah Geronimo na siya ang naggupit sa sariling buhok. Ibinigay ni Sarah sa charity ang buhok.

Scene : Nag-move on na si Senator Loren Legarda. Ayaw na niyang isipin ang mga duda na naging biktima siya ng playtime sa Harapan forum na napanood sa ABS-CBN at ANC.

Seen : Ang mga papuri ng international dance choreographer na si Fusion sa husay sa pagsasayaw ng mga dancer at artista ng Party Pilipinas. Bayad si Fusion sa kanyang serbisyo. Magmumukhang ingrato si Fusion kung pipintasan niya ang cast ng Party Pilipinas.

Scene : Nakaburol sa Arlington Funeral Homes ang ina ni Francine Prieto na namatay noong Biyernes dahil sa ovarian cancer. Nakaburol din sa Arlington Funeral Homes ang anak ni Cesar Montano.