CEBU, Philippines - Gihimakak ni Angel Locsin ang taho nga gibato kaniya nga matud usa siya ka palahubog.
Giangkon hiinuon ni Angel nga moadto siya og bar apan dili kini dautan gumikan kay naa na siya sa hustong edad.
“Twenty-five na po ako at nagpupunta po ako sa bar dahil kung minsan, gusto ko namang mag-unwind kasi, ngayon lang din ako lumalabas. May mga kasama akong showbiz and non-showbiz friends na ayoko nang banggitin kasi madadamay pa sila.’
“Hindi po ako naglalasing o ‘yung nakikitang lango sa alak, dahil unang-una, isang baso lang po ng vodka ang naiinom ko. Hindi po talaga ako umiinom at pwede n’yo pong ipagtanong ‘yan,” nagkanayon ang aktres ngadto sa Pang-Masa.
Gikahibulong ni Angel kung nganong gidako ang isyu kabahin sa pagsulod niya og bar nga bout huna-hunaon nga daghan pa nga artista ang mosulod nini.
“Oo nga po, big deal ‘yung nag-taxi raw ako, e, nagta-taxi naman ako dati pa, nagji-jeep, nagta-traysikel din at minsan nagm-MRT, depende po kasi sa mood ko,’ hirit pa ni Angel.
Hinuon mo-focus karon si Angel sa iyang career ilabi na nga duna siya umaabot nga proyekto uban ni Lloyd Cruz titled nga nag-ulohan og “Imortal” .
Anne nadismaya, napungot ug nanawagan
“I really feel upset [that] it’s coming out. Sana they had a little respect man lang,” nagkanayon si Anne Curtis sa exlusive interview sa ABS-CBN News kaniya kagahapon, kabahin sa pagkatap sa iyang hulagway diin nakita ang iyang dughan.
Tumang kalagot ug kadismaya matud pa ang iyang gibati ngadto sa mga tawo nga nagmantala niini sa blogs, samutan pa nga dunay mga tabloids nga gibuyangyang gyud ang iyang dughan ug wala gyud tabuni.
“Nakakalungkot ‘yong ginawa ninyo. Sana nakakatulog kayo ng maayos at sana masaya sila sa ginagawa nila,” she said.
Matud ni Anne nga iyang gisalig ngadto sa Viva Artist Agency ug ABS-CBN ang pagpasaka og kaso batok sa mga mipakatap ug mimantala sa maong hulagway.
“Kasi pagkatao ko ‘yon. Ako ‘yon, katawan ko ‘yon… Sa tingin ko, wala silang puso sa ginawa nilang ganoon.”
Nanawagan si Anne ngadto sa tanang dunay kopya sa maong hulagway sa pagpapas na niini sa ilang mga cellphones ug pagtangtang niini gikan sa mga blogs tungod kay makauuwaw kini ug tataw nga dili angay ipasigarbo.
Niya pa “this is not something to be proud of,” ug angay na siya nga mag- “move on” dungan sa panghinaot nga “it will pass already.”
“I’m not proud ‘yong nangyaring ‘yon. Sobra nga akong nalungkot at kinabahan sa nangyari kaya ako naiyak after ‘ASAP’…. nakakalungkot talaga na pinagpye-pyestahan pa ng mga tao. Hindi ko naman gusto ‘yon. Kahit sinong babae ayaw mangyari ‘yon sa kanila,” dugang pa niya.
Matud ni Anne dili na siya angay mohilak tungod kay nahitabo na ang nahitabo ug manghinaot na siya nga makalimtan niya ug sa publiko ang nahitabo.