MANILA, Philippines - Kaabang-abang ang episode ng Midnight DJ ngayong Sabado Marso 13, dahil bukod sa special season-ender ito na magtatapos sa matagumpay na ika-6 season nito at magbubukas sa mas exciting na season 7 ng award-winning horror program na ito ng TV5, makikilala na rin ang bagong mukhang magiging love interest ng bidang si Samboy (Oyo Sotto) sa programa.
Sa episode na pinamagatang Zombie Hospital, isang misteryosong virus ang nagta-transform ng mga tao sa isang mental asylum na maging mga zombie. Sa pag-iimbestiga ng Midnight DJ team, mata-trap sila sa ospital na puno ng zombie. Makakaligtas kaya sila o magiging zombie na rin silang lahat?
Introducing sa episode na ito si Lucia Cristobal na gaganap sa papel na nurse sa mental asylum at magiging kapareha na rin ni Oyo sa mga susunod na episode.
Mapapanood ang Midnight DJ tuwing Sabado pagkatapos ng Talentadong Pinoy sa TV5.