MANILA, Philippines - Unang quarter pa lang ng taon kaya bagong pasabog at pagbabago ang sumasalubong. Isa na rito ang tuloy na tuloy at hindi paaawat na paglipat ng sikat na mag-amang total performers na sina Gab at Gary Valenciano sa refreshingly delicious Real Leaf Green Tea.
Nagsimula ang mga bulung-bulungan sa nasabing pag-switch ng dalawa sa pinakabagong dagdag sa mga refreshing beverages mula sa global leader, The Coca-Cola Company nang sila ay lumabas sa bago nitong commercial at naging brand ambassadors nito.
“Masaya kami sa ginawa naming paglipat sa Real Leaf Green Tea. Dahil gawa ang produktong ito sa natural whole green tea leaves na mayaman sa Theanine, nakakatulong ito para mas madaling mag-concentrate at ikondisyon ang katawan,” sabi ni Gary nang tanungin kung bakit sila lumipat.
Ang Theanine ay isang uri ng amino acid na likas na matatagpuan sa tea plant, na nagpapasigla ng alpha brain wave activity at tumutulong para maging focused at alert.