Mark mas dapat unahin ang trabaho kesa babae
Wala na nga bang dapat ikabahala sina Mark Herras at Ynna Asistio dahil may blessing na ang mother ng huli sa nagsisimulang relasyon ng dalawa? Napaka-suwerte pala nila. Hindi na sila dadaan sa butas ng karayom.
Kung sabagay, wala naman yatang problema si Nadia (nanay ni Ynna) sa dalawa. Pormal naman yata ang ginawang panliligaw ni Mark kay Ynna. Katunayan daw ay walang maipipintas ang pamilya ng dalaga sa aktor. Napapagkatiwalaan nila ito. Hindi ito ang tipo na dapat nilang katakutan. He treats Ynna well at napaka-gentleman naman sa dalaga at maging sa pamilya nito. Nagsisilbi pa yata itong inspirasyon kay Ynna.
Kaya lamang, dapat ipaintindi sa dalawa na trabaho muna ang dapat nilang i-prioritize. Gamitin nilang inspirasyon ang kanilang relasyon pero huwag muna silang mag-seryoso.
* * *
Dapat sigurong matuwa si Nora Aunor dahil panay ang pagtatanggol ng mga anak niya sa mga nagpapatutsada dahil sa ginawa niyang pagpapa-makeover sa Japan. Una na si Lotlot at ngayon naman ay si Matet.
Bakit nga naman dapat gawing negatibo ng marami ang ginawang ito ng superstar na parang walang gumagawa dito sa atin.
* * *
Pati pala ang may anak nang si Julia Clarete ay pumayag na ring maging cover ng isang men’s magazine. Kung sabagay, wala namang masama rito. Kung may katawan kang dapat at puwedeng ipakita, eh di gawin mo! Kung si Jean Garcia na may dalaga na ay naging cover pa rin ng isang men’s mag bakit naman hindi si Julia.
Iba na ang konsepto ngayon ng sexy. Di tulad nung araw na para maging sexy ay kailangang bilugan ang katawan mo at boobsy.
* * *
Magkalaban nga ba ang grupong Enpress at PMPC? Nabasa ko kasi na finally eh pinagbati ni Daniel Razon ang dalawang grupo na magkasabay niyang inanyayahan sa isang thanksgiving party at belated Christmas party na ginanap sa Ratsky Morato kamakailan lamang.
Ngayon ko lang narinig na hindi nagkakasundo ang grupong ito? Ang alam ko, kahit nabibilang sila sa dalawang magkaibang grupo ay still friends pa rin ang mga miyembro nito. Hindi sila nagkakagalit, hindi nagkakainggitan. I’m sure kung ano man ang relasyon ng dalawang grupo ay healthy ito sa mga trabahong ginagawa nila.
Samantala, ipinaaabot ng mga kaibgan ko sa press ang kanilang pasasalamat sa napakaraming tulong na ibinibigay sa kanila ni Kuya Daniel Razon.
- Latest
