Ruffa regular na sa TP

CEBU, Philippines - Kumpirmado na gyud nga mutabok na sa TV5 si Ruffa Gutierrez. Usa sa sigurado niya nga show mao ang Talentadong Pinoy, diin mamahimo siya nga resident judge sa second season niini.

Richard ug Raymond Kapuso gihapon

Subling mipirma og kontrata sa GMA-7 sila si Richard ug Raymond Gutierrez. Three-year contract ang gipirmahan sa kaluha.

Pacman mibalik sa Kimmel Show

Subling mi-guest si Manny Pacquiao sa Jimmy Kimmel Show aron pag-promote sa ilang umaabot nga away ni Joshua Clottey.

Lara ug Marco walay commitment

Usa ka tuig na ang relasyon nila ni Lara Quigaman ug Marco Alcaraz. Pero giklaro ni Lara ngadto sa Pang-Masa nga wala pa silay commitment sa usag-usa... Ryan Mark

Rochelle nanganak na

Nanganak na niadtong Miyerkules og usa ka baby boy ang kanhi aktres nga si Rochelle Barrameda. Duna kini gibug-aton nga 8.12 lbs.

Justine Ferrer Loveless

Dunay second season ang QTV 11 show nga Tweetbiz. Kini maoy gibalita ni Justine Ferrer, ang nagkasikat nga transsexual, nga mas daghan pa og exposure sa Survivor Philippines Palau winner nga si Amanda Colley Van Cooll. Tsika ni Justine ngadto sa Pang-Masa nga nakakat-on na siya unsaon pag-interview ang mga artista busa dili na gyud siya mauwaw mangutana. Buwag na siya ug ang iyang uyab nga Dutch, tungod kay long distance ang ilang relasyon.

Angel taas og pasensiya

Mi-renew og laing duha ka tuig nga kontrata si Angel Locsin sa ABS-CBN niadtong Marso 3 busa naghinam-hinam na siya og maayo sa proyekto diin magpares sila ni John Lloyd Cruz. Matud pa ni Angel nga taas siya og pasensiya busa nakaya niya ang taud-taud nga panahon sa paghuwat og hustong proyekto.

Magpatambal sa China

Dako ang pasalamat ni Francine Prieto sa mga kaubanan niya sa showbiz industry gumikan sa financial nga tabang nga iyang nadawat alang sa masakiton niya nga inahan. Plano sa aktres nga dalhon niya sa China ang iyang inahan aron didto kini patambalan.

Tribute alang kang Francis M

Dunay buhaton nga tribute ang programang Shall We Dance sa TV 5 alang kang Francis Magalona. Mga awit ni Francis ang gamiton alang sa nagkadaiyang dance number sa nahisgutang programa karong Domingo.