CEBU, Philippines - Nasuko ang mga fans ni Marian Rivera gumikan kay wa malakip ang ilang idolo sa listahan sa FHM’s 25 Sexiest Women of the Decade. Kahinumduman nga si Marian maoy FHM’s Sexiest Woman niadtong 2008 busa gikahibulong og maayo sa fans sa aktres kung nganong wa maapil si Marian sa Top 25 karong tuiga.
Nalakip sa Top 25 mao sila si Angel Locsin, Diana Zubiri, Katrina Halili, Bianca King, Cristine Reyes, Rufa Mae Quinto, Ehra Madrigal, Iwa Moto, Francine Prieto, Maureen Larrazabal, Angelica Panganiban, Bangs Garcia, Jackie Rice, Patricia Javier, Assunta de Rossi, Cindy Kurleto, Joyce Jimenez, Cristina Garcia, Aubrey Miles, Viva Hot Babes (Katya Santos, Maui Taylor, Asia Agcaoili), Dina Bonnevie, Eula Valdes, Sunshine Cruz, ug Jean Garcia.
Dugang pa sa mga fans ni Marian, nga imposible kaayo nga dili madala ang ilang idolo kay gawas sa pagka- Primetime Queen niini sa GMA 7 , nagbaha usab ang product endorsements sa aktres.
Hinoun gitubag sa FHM ang maong reklamo. Matud pa nga wa malakip si Marian sa Top 25 gumikan kay sukad-sukad wa kini nahimong cover girl sa FHM. Usa sa criteria sa maong listahan nga kinahanglan nahimo kini nga cover girl sa maong magazine. Gani ang laing aktres nga si Anne Curtis wa usab malakip sa maong listahan.