MANILA, Philippines - Walang pakialam si Aljur Abrenica kung dini-deny man siya ni Rich Asuncion na naging boyfriend siya. “Ayos lang kahit i-deny. Hindi naman talaga naging kami ni Rich,” katuwiran ng aktor na hirap paniwalaan ng mga kaharap niyang kausap na press.
Nauna nang nag-deny si Rich tungkol sa kanila kaya naitanong kay Aljur kung anong feeling pag dini-deny.
Besides, sinabi niyang wala pa siya sa stage na magsi-seryoso sa babae.
Wala si Kris Bernal nang makitsika siya sa press. Kaya hinahanap sa kanya. As usual, hindi alam ni Aljur kung nasaan ang ‘mahal’ niya sa The Last Prince.
Pero aminado siyang takot siyang maghiwalay ang loveteam nila ni Kris. May bali-balita kasi na itatambal na si Aljur sa iba at nauna nang nagsabi si Kris na takot siya sa mangyayaring hiwalayan nila kung saka-sakali.
“Takot din akong mahiwalay siya (Kris) sa akin. Napamahal na siya,” sagot ng young actor.
At dahil malapit na naman ang mahal na araw, naalala na naman
ang tungkol sa kinasangkutan niyang issue na umano’y he took advantage sa isang menor de edad sa Puerto Galera.
Mag-iisang taon na pero wala pa ring nangyayari sa reklamo ng umano’y ‘ginalaw’ niya.
“Sabi nila after a month, may decision na pero hanggang ngayon, wala pa rin naman,” sabi ni Aljur na napapailing pag naalala ang nangyari dahil wala naman daw maipakitang ebidensiya ang nagrereklamo.
Pumayat na rin si Aljur. From 170 lbs, ngayon ay 130 lbs na lang siya.
Ito ang rason kaya pinagdududahang may nabago sa hitsura niya.
“Wala ho akong ipinaretoke,” mabilis niyang sagot.
Anyway, wala naman siyang reklamo kahit nagkaka-pimples siya sa mukha dahil sa costume niya sa The Last Prince na infairness ay mataas ang rating.
* * *
Nag-react si Ruffa Gutierrez sa kanyang Twitter account kahapon tungkol sa issue ng paglipat niya sa TV5 from ABS-CBN. Isang ABS-CBN insider ang nag-confirm ng desisyon ni Ruffa nang magpaalam ito sa management ng ABS-CBN. Pinayagan naman daw si Ruffa ng management.
“As of today po I am still a Kapamilya! :) You will see me on Sunday, as usual, for Buzzy Buzz BUZZ!!! :) On my way to ABS now,” sabi nito sa kanyang Twitter account.
* * *
Ngayong gabi (Feb. 26), ang Asia’s Soul Siren na si Nina, kasama ang premier vocal ensemble na The CompanY, ay magpapagalingan ng repertoire sa stage ng Metro Concert Bar sa Quezon City sa show na pinamagatang If I Should Love Again.