CEBU, Philippines - Karon nga dili na ikalimod nga sikat na gyud kaayo si Erich Gonzales gumikan sa kalampusan sa Katorse kaniadto ug sa Tanging Pamilya karon, migawas pud ang intriga nga nausab na ang iyang batasan. Tsika nga nasagap sa Pang-Masa nga mga co-stars mismo sa young actress sa iyang ABS-CBN teleserye ang namahayag nga midako na ang ulo ni Erich. Gumikan niini, gihagit si Erich sa kadaghanan nga mupatim-aw og tubagon ang maong intriga.
Nameligro ang male anchors
Kinsa sa mga male anchors sa ABS-CBN ang mameligro karong Hulyo? Kini maoy pangutana karon sa showbiz, tungod sa balita nga mubalik isip anchor sa TV Patrol si Vice President Noli de Castro, human sa iyang termino.
Album ni Lucy inilog
Kusog matud pa kaayo ang halin sa dance album ni LucyTorres-Gomez. Pang-ballroom dancing ang mga tukar nga unod sa maong album, sama sa Latin, waltz, foxtrot, tango, mambo, samba, quickstep, ug polka.
Aljur tihik?
Gipakpakan ni Kuya Germs si Aljur Abrenica gumikan sa balita nga labihan ka maayo sa young actor motipig sa iyang kinitaan sa show biz. Suma pa sa nasayran ni Kuya Germs, gitigom gyud matud pa niini ang iyang kwarta, ug wala magpataka og gasto.
Jackie absent
Absent si Jackie Rice sa Final Judgement sa Starstruck V didto sa Araneta Coliseum. Siya ra ang wala igkita sa tanang Female Ultimate Survivor winners. Wala pud hatagi og tribute ang Sole Survivor nga si anhing Marky Cielo...