MANILA, Philippines - Panalo sa viewership ang Magkano ang Iyong Dangal ni Direk Chito Roño na nakatamo ng 18.1 ratings nationwide ayon sa TNS.
Hindi mapigilan ang lalong pagtaas ng viewership, nangunguna rin ito sa Metro Manila na may 17.8 na ratings.
May nakaka-intrigang plot kaya kinapapanabikan tuwing hapon, malapit sa realidad o sinasabing ‘relatable’ ang kwento dahil tunay na nagaganap sa pang-araw araw na buhay natin ang mga problema ng mga tauhan ng serye tulad ng pagkapit sa talim ni Carmela (Bangs Garcia) para mailigtas ang taong minamahal kaya.
Habang tumatagal ang serye, unti-unting napapatunayan ni Bangs ang kanyang galing sa pag-arte at ang subok na husay ni Sid Lucero. Maging ang karakter ni Rayver Cruz sa kanyang kauna-unahang mature role ay nagkaroon ng mainit na pagtanggap mula sa mga manonood.
Araw-araw abangan ang teleseryeng patuloy na bumibihag sa lahat, ang Magkano ang Iyong Dangal sa ABS-CBN.