Kim Chiu Best Actress

CEBU, Philippines - Naghudyaka ang mga fans ni Kim Chiu tungod sa pasidungog nga nadawat niini sa 6th USTv Students Choice Awards, isip Student Choice of Actress in a Daily Soap Opera. Sa iyang papel isip Audrey sa Tayong Dalawa, nila ni Gerald Anderson nadughit ni Kim mao niyang acting award.

Asa naman padung si JC?

Matapos na sunod buwan ang kontrata ni JC de Vera sa GMA-7, pero wala pa siya masayud unsay nagpaabot niya sa maong network. Kung siya’y pagbut-on magpabilin siya sa Kapuso network, pero wala siya’y ideya unsay plano sa iyang manager nga si Annabelle Rama. Hinuon, apil siya sa Panday Kids nga maoy hulip sa Darna sugod karong Lunes, busa dako ang posibilidad nga ma-renew ang iyang kontrata.

Jackie makigtigi ni Iwa ug Cristine

Desidido na gyud si Jackie Rice nga makigtigi nila ni Iwa Moto ug Cristine Reyes sa pagpa-sexy. Human sa iyang sexy cover sa FHM sa milabay nga buwan, karon target na pud ni Jackie nga siya maoy mamahimong FHM Sexiest karong Hunyo. Bahad pa ni Jackie nga kaya ra kaayo niyang pildihon sila si Iwa ug Cristine. Apil siya sa Panday Kids, diin wholesome kaayo ang iyang role—ug niya pa, siya mismo maoy mi-request nga pa-sexy ang iyang costume.

Shaina wala magtug-an sa tinuod?

Mag-atubang og dakong labad sa ulo karon si Shaina Magdayao gumikan kay pasakaan matud pa siya og kaso sa Bureau of Internal Revenue tungod kay wala niya iyagyag tanan niyang kinitaan niadtong tuig 2007.

Jolina mubalik sa naandan

Ekslusibo nga nanubag ngadto sa PEP si Perry Lansigan, manager ni Jolina Magdangal, kabahin sa mga pagsaway nga nadawat karon sa aktres tungod sa matud pa walay ayo nga repacking niini. Matud ni Perry, nauyonan nila ni Jolina ang bag-o niining image, dili matud pa sundon sa aktres si Lady Gaga, kundili igo lamang nilang ibalik ang imahe ni Jolina kaniadto isip trendsetter, diin wala kini “pakialam” unsay isulti sa mga tawo. Suma pa ni Perry, sayud na sila nga duna gyu’y musaway, pero duna puy muoyon niining bag-ong lakang nila alang sa career ni Jolina.