Bettina, Xian sa Gaisano main ug mall

CEBU, Philippines - Karon na gayod nga Sabado, Pebrero 20 ang ikaduhang pagbola sa Gaisano Main, Country Mall, Balamban ug Bogo’s “A Million Thanks Promo”.  Usa ka brand new nga Mazda Pick-up ug minilyong kantidad sa mga home appliances ug gift certificates ang ipanghatag.  Atol sa maong pagbola, makita sa personal ang mga sikat nga ABS-CBN stars nga sila si Bettina Carlos ug Xian Lim.  Sila ang molingaw sa mga shoppers sa Gaisano Main ug Country Mall. Ang pasundayag ipahigayon sa Gaisano Main Foodsquare alas-6:30 sa gabii ug sa Gaisano Country Mall Parking Lot alas-8:30 sa gabii.

Kahinumduman, si Bettina kanhiay’ng artista sa GMA-7, mibalhin sa ABS-CBN diin makita siya sa teleseryeng “Magkano ang Iyong Dangal” isip igsuon ni Bangs Garcia.  Nanag-iya usab diay kini siya og mga sikat nga mga kan-anan sa kaulohan diin sa edad pa lang nga 17 nagsugod na siya sa maong negosyo.  Samtang si Xian Lim usa usab sa lead stars sa bag-ohay lang nga natapos nga “Katorse”. Gitakda siya nga mugawas sa teleseryeng Rubi, isip love interest ni Megan Young.

In Your Eyes

Aduna na’y titulo ang pelikula nila ni Claudine Barretto, Richard Gutierrez, ug Anne Curtis sa Viva Films ug GMA Films—In Your Eyes. Gikatahong pipila ka mga eksena niini adto himuon sa Amerika.

Jackie gilamian ni JC

Gipadayag ni Jackie Rice gikulbaan siya og maayo sa dihang gihimo nila ni JC de Vera ang kissing scene sa fantaseryeng Panday Kids. Pero aminado ang aktres nga gilamian siya sa lips ni JC.

TV series for Sarah

Samtang gigama ang pelikula nila ni Sarah Geronimo ug Judy Ann Santos nga Hating Kapatid, kasamtangan usab karon nga gihikay sa ABS-CBN ang usa ka TV series alang sa pop star.

Ogie ug Regine gipangga gyud sa GMA

Mitumaw karon ang taho nga sila si Ogie Alcasid ug Regine Velasquez lang ang segurado nga ipabilin sa bag-ong noontime show nga ihulip sa SOP. Giingong naalarma ang GMA sa hungihong nga mobalhin ang duha ka singers sa TV 5.

Marian Top Taxpayer

Gipasidunggan si Marian Rivera kagahapon sa kagamhanan sa Mandaluyong City isip Top Taxpayer sa maong siyudad. Ang maong kalihukan kabahin sa programa sa Bureau of Internal Revenue (BIR) Annual Tax Campaign Kick-Off... Sanden J. Anadia

Buboy “highly gifted”

 “Highly gifted” ang paghulagway ni Gelli de Belen kang Buboy Villar tungod kay matud pa, labihan niini ka kugihan, determinado ug walay reklamo sa trabaho. Mudala isip inahan ug anak ang duruha sa Panday Kids sa GMA-7

Love team experiment

Sila si Jennica Garcia ug Carl Guevarra ug ang Survivor Philippines : Palau love team nila ni Marvin Kiefer ug Jef Gaitan ang musunod nga mga bida sa Dear Friend, hulip sa Almost A Love Story episode nila ni Rhian Ramos ug TJ Trinidad. - Ryan Mark

Kris magpa-abang og condo

Gibutyag ni Kris Aquino nga kung mahuman na ang gipatukod niya nga balay sa San Mateo Rizal , didto na sila mopuyo ni James Yap uban sa ilang mga anak ug ang condo unit nila sa Makati kay temporaryo ra kini nila nga pinuy-anan.

Ang lokasyon sa balay nila sa Rizal kay tipik sa 3,000 square meters nga farm lot   nga giregalo ni Kris kang James niadtong Valentine’s Day.

Matud pa nga 20% lang sa yuta ang puwede nila nga i- okupar sa buhaton nila nga dream house ug ang sobra niini kay ilang tamnan og mga lagutmon nga kasagaran isagol sa pakbet.

Gikatakda usab niya nga paabangan ang iyang condo unit aron duna siya’y extra income.

“Siguro, after two years, lilipat na kami (sa San Mateo ) at yung condo, papa-rent na lang namin. Kasi ‘yun din ang sinabi ng mom (Pres. Cory Aquino) ko before, isa rin sa binilin niya talaga. Kaming mga artista daw, walang time magnegosyo, so, dapat, gayahin ko daw si Tita Susan Roces, na maraming rental.

“Kasi di ba, ang rental, collect ka na lang nang collect. So ‘yun ang goal namin ni James talaga, na every year, mayroon kaming nadadagdag na rental property,” detalyadong padayag ni Kris ngadto sa Pang Masa.

Ganahan si Kris sa maong dapit tungod sa presko nga hangin nga iyang masagap. Dugang pa niya nga 30 minutos lang ang biyahe gikan sa maong dapit paingon sa ABS-CBN kung mabuhat na ang C-6 road.

* * *

Pepeng Agimat di malimtan ni Jolo

Aminado si Jolo Revilla nga daghan siya og nakat-onan isip artista sukad siya nahimong bida sa TV series nga Pepeng Agimat sa ABS-CBN.

“Ibang klase talaga ang buong experience ko as Pepeng Agimat. Sa lahat ng naging projects ko I can say na dito sa seryeng ito ako maraming natutunan,” nagkanayon si Jolo.

Mapasalamaton ang aktor gumikan kay sukad nagsugod ang maong serye, puros mga paghangop gikan sa mga tawo ang iyang nadawat

“Nakakatawa rin isipin na tuwing may nakakakita sa akin na bata tinatawag nila akong “Pepeng Agimat’.’ Parang nadikit na rin sa akin yung character ko,” dugang pa sa aktor.

Gikatahong naghinapos na ang Pepeng Agimat ug matud pa permi kining nanghawod sa ratings sukad sa pagsugod niini.

Taping na ni Claudine

Karong adlawa matud pa ang unang taping day ni Claudine Barreto para sa iyang drama anthology sa GMA-7. Pero kung dili man gani mahinayon, gamiton matud pa ang oras alang sa pictorial ni Claudine para sa maong project. Nasayran nga weekly drama ang maong proyekto, nga unang gikatahong itigi sa Maalala Mo Kaya sa ABS-CBN. Four episodes ang sunod-sunod nga himuon ni Claudine, hinungdan nga excited na siya tungod kay mubalik na siya og trabaho. Usa si Dingdong Dantes sa iyang mga guest stars. - Ryan Mark

Jolens miikyas

Nangatarungan si Jolina Magdangal nga duna siyay importante nga meting kauban ang iyang manager nga si Perry Lansigan, hinungdan nga dali siya nga mibiya sa grand launch sa Panday Kids niadtong Martes sa gabii. Kini taliwala sa intriga nga dali siya nga mibiya sa maong kalihukan kay naglikay nga mapangutana kabahin sa intriga nga wala siya’y angay sa bag-o niyang image karon.

April Boy is back

Gibutyag ni April Boy Regino nga banhawon niya pagbalik ang iyang nahunong nga singing career ug kini pinaagi sa usa ka awit diin iyang maka-duet si Pambansang Kamao Manny “Pacman” Pacquiao. Matud pa ni April Boy nga ideya kini sa iyang higala nga si Lito Camo, nga mao usab ang nag-compose sa mga awit ni Pacman sama sa “Para Sa Iyo ang Laban Na Ito” ug “Lahing Pilipino”.

Kabanay’ng de Mesa mangabot na

Kaslunon na karong Pebrero 28, ang usa mga bituon sa Panday Kids nga si Ryan Eigenmann pero iyang giklaro nga dili makaapekto ang taping sa maong serye sa honeymoon nila sa iyang asawa. Samtang manambong sa iyang kasal ang mga apohan niya nga sila si Eddie de Mesa ug Rosemarie Gil. Sunod semana mobalik na usab dinhi sa Pilipinas ang iyang amahan nga si Michael de Mesa.

Marian bugtong kalipay sa iyang papa

Balik-trabaho na si Marian Rivera human sa pipila ka adlaw nga pagduaw sa iyang amahan didto sa Madrid, Spain uban sa iyang uyab nga si Dingdong Dantes. Matud pa nga nakaingon ang iyang amahan nga nakompleto na ang kalipay niini kay nakakita na siya kang Marian. Tsika pa ni Marian nga iya napud nga amahan ang moduaw kaniya puhon dinhi sa Pilipinas.