Richard nahiubos kang Nina

CEBU, Philippines - Nagmalampuson ang pre-Valentine concert ni Richard Poon sa milabay nga gabii sa Music Museum diin special guest niya si Aiza Seguerra. Nasayran nga nahiubos gihapon hangtud karon si Richard ngadto  sa acoustic singer nga si Nina  gumikan kay mibalibad kini nga mo-guest sa maong concert.

Jinkee tua na sa LA

Naabot na kagahapon sa Los Angeles si Jinkee Pacquiao aron  sa pagbisita sa iyang bana  nga si Manny. Dala ni Jinkee ang usa ka diamond necklace nga maoy regalo niya kang Manny isip paghandum sa selebrasyon sa Valentine’s Day.

Sex Bomb Aifa gikasab-an sa GMA-7

Sumsuman karon ang gi-ingong pagbadlong sa GMA-7 ngadto sa usa sa mga sakop sa Sexbomb nga si Aifa kay  kusog kaayo kini mutan-aw sa programang Wowowee sa ABS-CBN. Pero depensa pa sa kampo ni Aifa nga way kamatuoran ang maong taho sanglit natulog pa siya nianang mga orasa tungod sa kakapoy sa taping nila sa Daisy Siete.

Jake ug ex ni Loydie chuva

Nangugat si Jake Cuenca pag-deny kalabot sa isyu nga naglambigit kaniya  ngadto sa ex-girlfriend ni John Lloyd Cruz nga si Liz Uy. Matud pa ni Jake nga suod lang gyud sila ni Liz busa di kini angay tagaan og malisya.

Kyla nagpaabot nga pangasaw-on

Giangkon ni Kyla nga  andam na siya  mosulod sa kaminyuon pero hangtud karon wa pa siya’y nadawat nga formal proposal gikan sa iyang boyfriend nga si Rich Alvarez. Gipangga ni Kyla ang iyang singing career pero aminado siya nga dunay kahumanan ang tanang butang.  

Pauleen  isip aktibista

Usa ka student activist ang papel ni  Pauleen Luna sa indie film nga Sigwa nga entry usab sa  Cinemalaya .  Tsika pa sa aktres nga challenging kaayo ang maong role kay permi gyud siya masagpaan sa pipila ka mga eksena sa maong pelikula.

John-Eugene movie?

Nasigpatan sila si John Lapus ug Eugene Domingo sa  tugkaran sa ABS-CBN ug matud pa nga  dunay pelikula nga gamaon sa  Star Cinema ang nahisgutang mga komedyante.

Rich ipuli ni Lovi

Si Rich Asuncion  maoy gikatahong mohulip sa gibiyaan nga role  ni Lovi Poe  sa Panday Kids sa GMA-7.  Kahinumduman nga si Sunshine Dizon unta ang mopuli ni Lovi apan wa kini gidayon gumikan kay tagaan kini og laing proyekto.

Coco ug Kris gisabong gyud

Walay hunong ang intriga nga gidaog-daog nila ni Kim Chiu ug Kris Aquino si Coco Martin sa set sa Kung Tayo’y Magkakalayo, hinungdan nga dili na buot ang aktor nga makauban pa sa trabaho ang duruha. Hugtanong gihimakak sa duha ka mga kampo ang maong taho.

Karon nga nakit-an pud si Coco sa presidential sortie ni Senator Noynoy Aquino, migawas napud ang tsika nga gidaog-daog lang ang aktor sa iyang pagkuyog-kuyog sa kampanya.

Pwes, mismong si Coco na ang miluwat og pamahayag aron mahatagan og katin-awan ang sayop nga mga taho:

“Isa po akong volunteer ni Sen. Noynoy. Buong puso ko pong ibinibigay ang aking oras at kakayahan dahil naniniwala po ako sa kanyang ipinaglalaban. Nagpapasalamat po ako sa pamilya Aquino na ang akin pong mga karanasan bilang volunteer nitong mga nakaraang buwan ay magiging bahagi ng isang independent movie na amin pong binubuo sa kasalukuyan.

“Muli po, taos puso ang aking pasasalamat sa Aquino family.”

Kris Aquino: Prisoha Ko

Duna nay kaugalingong Twitter account siKris Aquino. Kini mao ang www.twitter.com/itsmekrisaquino.

Daghan ang nahimuot sa unang mensahe ni Kris: “This is really Krissy. My proof- I was born Feb.14, 1971 at exactly 11:42pm. I was exactly 7 lbs. born via Caesarian section in FEU Hospital . Promise to update you daily.”

Pero seryoso na siya sa iyang ikaduhang tweet kabahin sa kamanduan sa Comelec nga pabakasyonon una ang mga celebrity sama niya sa ilang mga shows, kung duna sila’y gi-endorso nga kandidato:: The COMELEC wants artists who are actively participating in the campaign to take a leave or be jailed. Since when has it been wrong to make a stand for what you believe? What is so wrong in wanting to take an active role in our democratic process?”

Ug ang iyang ikatulong mensahe: If it’s wrong to care about the Philippines and practice my constitutional right to free speech and my freedom to vote, then jail me and let’s go back to the dark days of the Martial Law.”

Jon sa Gaisano Mactan

Makig-date sa mga kapamilya karong alas kwatro sa hapon diha sa Gaisano Mactan ang usa sa mga sakop sa Coverboys nga si Jon Avila. May labot kini sa Kapamilya Caravan sa ABS-CBN.

Aga tulo ang pelikula

Tulo ka buok pelikula ang himuon ni Aga Muhlach karong tuiga. Gawas sa ila ni Regine Velasquez, ang Of All the Things for Viva Films, duna pa siya’y duha ka pelikula para sa Star Cinema. Kini mao ang ilang pelikula ni Angel Locsin nga sugdan karong March 15, ug ila ni Lea Salonga karong October.

Sam Pinto ipaila na

Isulod na gyud isip co-host sa Wowowee ang kanhi PBB housemate nga si Sam Pinto. Karong adlawa siya gitakdang ipaila.

Padag-a ang Sugbuanon

Karong gabii na ang paghukom. I-todo na ang suporta sa pambato sa Sugbo nga si Paul Jake Castillo sa katapusang adlaw sa PBB Double-Up reality show sa ABS-CBN. Tabangi siya hugyawnatics aron lain na pud nga Sugbuanon ug Bisaya ang musidlak. Type: BBS (space) JAKE and send to 2331 for Globe, Sun and TM, and 231 for Smart and Talk& Text subscribers.