Natutuwa ako nang bumalik ng SOP si Jolina Magdangal. Hindi lamang muling nakita ang talento niya, nasorpresa rin ang lahat sa pagbabagong nakita sa kanyang pisikal na kaanyuan.
Magaling mag-reinvent ng sarili niya si Jolens. I’m sure nakapag-simula na naman siya ng isang bagong fashion trend. Hindi siya yung tipong paglilipasan na lamang ng panahon.
Matapang siyang magpauso ng kakaibang look at sa simula ay maaring hindi ito agad kagatin ng tao, lalo na ng mga bagets pero sa kalaunan, makikitang ginagaya na ito.
Ayos lang naman daw sa kanyang boyfriend na si Mark Escueta na miyembro ng isang banda.
* * *
Kakatuwa naman ang friendship na nakikita between senators Bong Revilla and Jinggoy Estrada. Hindi lamang ang sarili nila ang ikinakampanya nila kundi maging ang isa’t isa.
Bagaman at hindi naman sila madedehado dahil naging masipag naman silang mga senador, abala sa kanilang kampanya ang dalawa if only to confirm their early promise na hindi sila magpapabaya sa pagbibigay ng serbisyo sa bayan.
Si Jinggoy, bukod sa sarili niyang kampanya ay ikinakampanya rin ang kanyang amang si Erap Estrada na tumatakbo para sa pagkapangulo ng bansa. Ganundin si Bong na ang asawang si Lani Mercado naman ay tumatakbo para sa Kongreso sa Bacoor.
* * *
Wala nang magagawa ang sinupaman. Talagang pinangangatawanan na ni Jennylyn Mercado ang pagpatay sa isyu ng pagiging ama ni Patrick Garcia sa kanyang anak. Tinuldukan na niya. Patrick should follow her example at ipaubaya na lamang sa tadhana ang kapalaran nilang mag-ama. Kesa naman magkagalit pa sila ni Jennylyn because of this.
Time heals all wounds, baka maging totoo ito kay Jennylyn. Paglaki ng kanyang anak, malalaman din nito ang pagpupunyagi niyang makilala si Patrick at maging bahagi ng kanyang buhay.
Samantala, nasusubok ang kagalingan ni Jennylyn bilang artista sa bagong seryeng pinagtatambalan nila ni Dennis Trillo, ang Gumapang Ka Sa Lusak.