Papa Bear gihaguan ni Chard

CEBU, Philippines - Giangkon ni Richard Guttierrez nga wa gyud siya katulog gumikan sa kakulba sa wa pa niya himoa ang eksena sa “Papa Bear, Mama Bear” sa Full House. Bisan sa rehearsal niini naglisod siya pagbuhat sa maong eksena apan tungod sa ka-supportive sa iyang leading lady nga si Heart Evangelista kay iya kini nga nabuhat.

“Enteng Agimat”

Gikatahong “Enteng Agimat” ang working title sa himuon nga pelikula nila ni Sen. Bong Revilla Jr. ug Vic Sotto inigkahuman sa eleksyon. Kombinasyon kini sa tagsa-tagsa nila ka mga  pelikula kaniadto, ang Enteng Kabisote ug Pepeng Agimat.

Jolens isip editor-in-chief

Si Jolina Magdangal maoy mibarog nga editor-in-chief sa kaugalingon niya nga lifestyle ma­gazine nga Jolie.

Nagpaklaro na

Misamot ang mga pagduda nga duna gyu’y relasyon sila si Melissa Ricks ug Jake Cuenca gumikan kay nasigpatan ang duha nga nagkuyog sa pagpanimba sa usa ka simbahan sa kaulohan. Pero giklaro ni Melissa nga way dautan kung magkuyog sila ni Jake kay managhigala lang sila niini.

Cristy is back

Human nahilom sa pipila katuig, giingong tagaan og espesyal nga programa sa TV 5 ang beteranang kolumnista nga si Cristy Fermin.

Diva todo paningkamot

Nahuwasan ang Starstruck finalist nga si Diva Mantalaba kay way nahitabong eleminasyon sa maong programa niadtong Domingo. Tsika pa ni Diva dinhi sa Banat Hugyaw kagahapon nga padayon gihapon siya nga makigbisog aron masulod siya sa Final 5.

Bea nahulga ni Sarah

Gipadayag ni Bea Alonzo nga sa dihang milampos ang duha ka mga pelikula niadto nila ni John Lloyd Cruz ug Sarah Geronimo nga “A Very Special Love” ug “You Changed My Life,” kay gibate niya ang tumang kakulba.

“Kagaya nga ho ng sinabi ni John Lloyd, tao lang kami, eh minsan, hindi ka magiging logical mag-isip, eh. Kinabahan ako, akala ko, mawawala na ako sa eksena. Hindi ko alam kung teka, saan na ba ako pupunta, saan na ba ako lalagay?,” saysay pa ni Bea.

Aminado hinuon si Bea nga deserving nga ma-box office ang nahisgutang mga pelikula kay siya mismo saksi sa kanindot niini busa malipayon siya alang sa kalampusan ni Lloydie.

Hinuon wa siya mawad-i og paglaum niadtong higayona nga iyang mapares pagbalik ang aktor sa usa ka pelikula ug natuman gyud kini pinaagi sa Miss You Like Crazy nga showing na karong Pebrero 24.

Andi gihangop ni Shaina

Way problema alang kang Shaina Magdayao nga si Andi Eigenmann ang nahimong bida sa Agua Bendita.

Kahinumduman nga si Shaina maoy midala sa episode niini sa Komiks kaniadto.

“Ano ‘yun, eh, saan ko ba ginawa ‘yun? Two weekends lang yata ‘yun, eh ganu’n naman talaga, episodic, eh. Well, I have to be happy for her. At least, nagagawa niya kung ano ang gusto niyang gawin sa buhay niya. Ah, ‘yun lang po, congratulations,” nagkanayon si Shaina.

Giklaro sa aktres nga wa siya nagmahay nga napunta sa lain ang maong role.

 “Wala ho akong mga ganyan. Siguro, more than anything, I just have to be thankful na meron pa rin ho akong trabaho, and ito ngang Ruby, so malaki ho ang pasasalamat ko. Siguro, instead of ‘yung thinking nga na bakit ganyan, bakit ganito, magpasalamat na lang ako,” dugang pa sa aktres.

Malipayon hinuon siya nga nalakip siya sa Rubi, ug gikataho usab nga wa siya’y ka-date sa umaabot nga Valentines Day busa molantaw na lang siya sa concert nila ni Nikki Gil ug Billy Crawford.