Nakaburol ang tatay ni Paolo Contis sa Arlington Funeral Homes sa Araneta Avenue, QC. Ngayong gabi ang huling lamay para kay Mr. Renato Contis dahil bukas na ang cremation ng kanyang labi.
Si Paolo at ang kanyang ina na si Mommy Jean ang punong-abala sa pag-aasikaso at pagharap sa mga nakikiramay sa kanyang pamilya.
Nagkataon na tapos na ang taping ni Paolo para sa Darna kaya nakasentro ang kanyang atensiyon sa mga huling araw ng buhay ng tatay niya.
Muli akong nakikiramay at ang PSN staff sa mga naulila ng ama ni Paolo na huli kong nakita noong press preview ng Banal sa Shangri-la Mall.
* * *
Hindi ko na nahintay ang pagdating ni Senator Manny Villar sa Laurel House noong Sabado dahil may conflict sa schedule ko. Conflict daw o!
Makikipagkita si Papa Manny kay Sarah Geronimo para personal na pasalamatan ang aking favorite singer-actress dahil pumayag ito na i-endorso ang kanyang kandidatura.
Dalawa na ang kandidato na susuportahan ni Sarah, si Papa Manny at si Joy Belmonte, ang kumakandidatong Vice-Mayor sa Quezon City. Marunong pumili si Sarah ng susuportahan.
Mga winnable ang kanyang mga manok ‘huh! Winnable ang term sa mga kandidato na malaki ang tsansa na manalo sa eleksiyon sa Mayo!
* * *
Tatlo ang show ni Bayani Agbayani sa GMA7 na magsisimula sa linggong ito kaya nalilito na siya.
Nagkapalit-palit na ang mga title ng show na ipino-promote ni Bayani. Imbes na First Time, ang Meet The Fathers ng SRO ang nasabi niya na magsisimula mamayang gabi.
Na-confuse na si Bayani dahil ngayong umaga rin mag-uumpisa ang Diz Iz It, ang talent program na ipapalit sa Kapuso Movie Festival. Tiyak na bongga ang Diz Iz It dahil ang produ ng Eat Bulaga ang producer ng show. Ang balita ko, milyung-milyong piso ang halaga ng set na ipinatayo nila sa Cinema 3 ng SM Megamall.
Yes, pansamantalang mapapanood sa Cinema 3 ang Diz Iz It habang ginagawa ang another new studio ng TAPE Inc. sa left wing ng Broadway Centrum. Hindi biro ang daily rent sa Megamall Cinema 3 ‘huh!
* * *
Krista pala ang tunay na pangalan ni Krissa Mae Arrietta. Dalawa na ang Krista sa showbiz, si Krissa Mae nga at si Krista Ranillo.
Si Krissa ang girlfriend ni Jay-R at never na nilang idine-deny ang kanilang relasyon. Sure na nga si Jay-R na manonood siya ng grand coronation night ng Bb. Pilipinas Contest dahil ka-join dito si Krissa Mae.
Si Jay-R ang unang-unang matutuwa kapag nagkaroon ng beauty title ang kanyang 21-year old dyowa. Makatutulong ang beauty title para madagdagan ang self-steem ni Krissa Mae. Hindi man siya mag-win, malaking bagay na nakapasok si Krissa sa pinaka-prestigious na beauty contest sa Pilipinas.
* * *
Ngayon ang announcement ng winners ng Picture Flawless ng Flawless at gaganapin ito sa.... Hindi ko sasabihin ang venue para hindi puntahan ng mga gaka. Basta ang masasabi ko, masuwerte ang lalake at babae na mananalo dahil magkakaroon sila ng mga billboard as in giant Flawless billboards sa lahat ng sulok ng Metro Manila.
Baka ang mga billboard pa ang maging daan para matupad ang kanilang mga pangarap na maka-penetrate sa showbiz.
Yes na yes, maging artista ang pangarap ng mga sumali sa Picture Flawless contest ng number one beauty clinic ni Mama Rubby Sy!