Feel na feel ko na ang summer at ang sinasabi ni Senator Loren Legarda na climate change. Unang linggo pa lang ng Pebrero pero ang tindi na ng sikat ng araw.
Napakaagang dumating ng summer ‘ha? Parang kailan lang, ang araw-araw na pag-ulan at malalakas na bagyo ang problema ng Pilipinas, pati na ang pag-apaw ng mga dam na nagdulot ng malaking baha.
Ngayon naman, ang pagkatuyo ng tubig sa mga dam ang problema dahil sa tag-tuyot. Kasabay ng kabawasan ng tubig sa mga dam ang pagtaas ng singil sa kuryente.
Haay, balanse talaga ang life! Kung may tag-ulan, siguradong may tag-araw!
* * *
Wala nang makakaawat sa paglipat ni Maricel Soriano sa TV5 dahil nakikipag-usap na siya sa mga bossing ng network.
Ang sey ni Maria, non-exclusive ang kontrata niya sa TV5 kaya puwede siyang umapir sa ibang mga TV network.
Ang dinig ko, magkakaroon si Maria ng weekly drama anthology sa Channel 5 at magkakasama sila ni Roderick Paulate sa isang episode. Looking forward ang fans sa team-up nina Maria at Roderick dahil matagal na silang hindi napapanood na magkasama sa isang TV show.
Ikinuwento nga pala ni Maricel sa mga reporter na annulled na ang kasal nila ni Edu Manzano. Kailan at saan? Hindi ko alam ang tumpak na kasagutan dahil hindi raw nagbigay ng kumpletong detalye ang Diamond Star.
Si Edu ang dating asawa ni Maricel at kasal sila sa simbahan. Dahil malalim ang kanilang pinagsamahan, mukhang susuportahan ni Maricel ang kandidatura ni Edu. Malamang na si Edu ang kanyang iboboto pero hindi sure kung ipapangampanya ni Maricel ang ex-dyowa dahil magiging busy na siya sa TV5.
* * *
Napag-uusapan si Maricel dahil siya nga ang celebrity judge sa pilot episode ng Diz Iz It, ang talent show na pre-programming ng Eat Bulaga at mapapanood simula sa Lunes.
Hindi lamang judge ang role ni Maricel dahil pumayag ito na magkaroon ng dance number. Matagal na hindi lumabas sa TV si Maricel kaya na-excite siya sa kanyang guesting sa Diz Iz It. Kakaibang electricity daw ang kanyang naramdaman nang sabihin ni Mama Malou Fagar na aapir siya sa Diz Iz It. Si Mama Malou ang manager ni Maria.
* * *
Dahil Sabado ngayon, ipapaalala ko sa inyo na huwag makalimot na panoorin ang Startalk dahil maiinit na showbiz news at controversy ang inyong matutunghayan..
Ipapaalala ko rin sa inyo ang nalalapit na Valentine show nina Paolo Santos at Sabrina sa Ratsky’s Morato sa February 13.
Nag-promise si Paolo na more than 20 acoustic love songs ang kanyang kakantahin para mag-enjoy nang husto ang audience nila ni Sabrina, ang baguhang singer na acoustic songs din ang forte kaya Reminiscing Acoustic ang title ng kanilang concert.
Ang SMA Productions Inc. ang produ ng Reminiscing Acoustics. Na-meet ko na ang staff ng SMA Productions Inc.. Mababait sila at hindi mga fly-by night producers. Sila ang tipo ng concert producers na dapat suportahan dahil malalaki ang kanilang mga pinaplano na project.
Sa mga gustong bumili ng tickets ng Reminiscing Acoustics, call ninyo ang SMA Productions sa tel.number 775-2698.