Missing ang picture ni Love Poe sa print ad ng Panday Kids na lumabas sa broadsheets last Sunday. Tinext namin ang manager ng aktres na si Leo Dominguez para kumpirmahin kung totoong pinul-out niya sa show si Lovi?
Inamin ni Leo na pinul-out nga niya si Lovi dahil hindi niya gusto ang role na ibinigay dito. May bagong project daw na in-offer kay Lovi, pero pinag-aaralan pa niya. Sabi ni Leo, “we would rather wait for a role na babagay kay Lovi.”
Hindi na namin tinanong si Leo kung totoo ring ‘di niya feel na kay Jackie Rice mapupunta si JC de Vera at hindi kay Lovi, kaya tinanggihan nila ang Panday Kids.
Naalala naming nasa original cast ng Panday Kids ang anak ni Robin Padilla na si Kylie Padilla, bakit hindi siya ibalik? Mahusay sa fight scene ang bagets at swak siya sa action-series.
Paglilinaw din, si Mike Tuviera at hindi si Dominic Zapata ang director ng Panday Kids.
Anyway, nasa Show Me Da Manny at SOP pa naman si Lovi at balita pa ni Leo, aalis ito for New York sa February 18, dahil entry ang indie movie nila ni Jacky Woo na Walang Hanggang Paalam sa Soho International Film Festival.
* * *
Dumating sa Subic, sa last taping day ng Ikaw Sana si Zoren Legaspi sakay ng kanyang blue Nissan sports car na halatang mamahalin.
Pero kahit anong pilit, ayaw sabihin ng actor kung ilang milyon niya binili ang sports car at idi-deny pa sana kundi lang sa letter “Z’ na nakalagay sa gilid ng car at sa plate number na sa letter “Z” din nagsisimula.
Kalaunan ay nag-talkies din ito na hindi talent fee niya sa showbiz lang galing ang ipinambili ng sports car dahil nasa construction business din siya at marami siyang ibang trabaho at dito ang focus niya ‘pag wala siyang regular show.
Hindi raw siya pinababayaan ng GMA-7 at alam niyang may bago siyang soap after Ikaw Sana.
Ayaw ni Zoren nang lagareng trabaho’t nawawalan siya ng time sa kambal nila ni Carmina Villaroel. Okey daw ang income nila’t wala silang utang na binabayaran.
Samantala, pabor si Zoren sa ending ng karakter ni Enrico sa Ikaw Sana at malalaman ninyo kung ano ang nangyari sa karakter niya ‘pag pinanood ang ending nito bukas.