Mula sa pagiging Kapamilya, magiging Ka-shake na sina Dolphy at Maricel Soriano dahil dalawa sila sa ABS-CBN talents na tiyak na ang paglipat sa TV5. In fact, sa February na lilipat si Maricel at isang drama anthology ang kanyang pagbibidahan.
Something magaan naman daw ang show na kino-conceptualize for Dolphy, pero sitcom pa rin na forte ng Comedy King. Walang exclusive contract si Dolphy sa Channel 2, kaya napadali ang negosasyon. Si Maricel ay matagal na ring walang regular show sa Channel 2.
* * *
Parehong masaya sina Kris Bernal at Aljur Abrenica na lumalaban sa rating ang pinagbibidahan nilang The Last Prince. Hindi nila inakalang lalaban ang telefantaserye nila, pero kinakabahan pa rin sila and at the same time, hinuhusayan ang trabaho para hindi magsawa ang viewers.
Malaki ang pasasalamat ng magka-love team sa viewers, lalo na sa fans nila dahil hindi sila iniiwanan.
Ang aabangang eksena this week ay ang pagpo-propose ni Almiro (Aljur) kay Lara (Kris) at ang pagkikita nina Lara at ng inang si Adela (Eula Valdez). At ang rivalry nina Almiro at Prince Nikolai (Daniel Matsunaga).
Ang sweet pala ni Kris dahil isang scrap book na naglalaman ng highlights ng career nila ni Aljur ang inihahandang Valentine’s gift sa ka-loveteam, pero ang actor, as usual, wala pang maisip na iregalo kay Kris.
Siyanga pala, magselos na ang magseselos, pero sina Kris at Aljur ang magkasama sa Valentine’s Day dahil mayroon silang trabaho. Sabi ni Aljur, mas maganda ‘yung magkasama na sila at may kikitain pa.
* * *
Hindi na naman namin nakausap at nakita si Direk Dominic Zapata nang bumisita kami sa
last two taping days ng Darna. Hindi siya umiwas sa press, nagkataon lang na kinukunan nito ng eksena si Eddie Garcia at sunud-sunod ang eksena, kaya ‘di namin nalapitan.
Hindi tuloy namin natanong si Direk Dom kung totoong siya ang na-blind item na tini-text ng ex-GF at nagpaalam kung puwedeng gamitin ang picture nila together. Hindi sinasagot ng ex-BF ang text ng ex-GF at ang pinakahuling text ng girl na nagtatanong kung bakit ayaw niyang sumagot, saka lang nag-text back ang lalake at “NO” ang sagot na ibig sabihin, ayaw ipagamit kay Krista Ranillo ang picture nila together.
Samantala, kahapon ang last taping day ng Darna na itinuloy sa thanksgiving party bilang pasasalamat sa successful run ng series. Hindi pa man tapos ang Darna, sinimulan na ni Direk Dom ang taping ng Panday Kids na February 22, na ang pilot.
* * *
Niyaya kami ni Marian Rivera na makitakbo sa Book Run na inorganisa ni Dingdong Dantes ngayong umaga sa The Fort. Parang ‘di namin kayang tumakbo ng 3km lalo na ang 5km, kaya nag-beg off kami.
Si Marian, nanggaling sa taping at thanksgiving party ng Darna at nagpaalam na pauwiin siya ng maaga para makasama sa Book Run. Maliligo lang daw siya at pupunta na sa The Fort at ‘di man makahabol sa takbuhan, kahit sa awarding ay present siya.