MANILA, Philippines - All-talent episode ang mapapanood ngayong Sabado, Jan. 30, sa Tropang Potchi – ang pinakabagong variety, talent, at game show para sa mga bata ng Q Channel 11. At dahil birthday ng isa sa mga Kapotchi – si Kapotchi Andrea Reyes – siguradong mala-party ang mangyayari sa tambayan ng tropa.
Makakasama ni Andrea ang mga Kapotchi na sina Ella Cruz, Julian Trono, Sabrina Man, Miggy Jimenez, Ayla Mendero, at Jessu Trinidad sa paghahatid ng isa na namang exciting at makulay na episode kung saan bida ang talento at talino ng mga bata.
Ngayong Sabado, mapapahanga ang mga viewers sa birthday girl na si Andrea dahil siya mismo ang magbibigay ng sorpresa sa pamamagitan ng isang special production number. Special guests niya ang mga batang may kakaibang talento sa pagsayaw na sa unang pagkakataon ay magpapakitang-gilas sa loob ng Tropang Potchi tambayan.
Mapapanood ito tuwing Sabado ng umaga , 11:30 a.m., sa ilalim ng direksiyon ni Louie Ignacio, sa Q Channel 11.