MANILA, Philippines - Isang syokoy ang maghahasik ng lagim at papatay ng tao sa tahimik na bayan ng Santa Catalina sa episode ngayong Sabado ng Midnight DJ. Sa pag-iimbestiga ng Midnight DJ team na pinangungunahan ni Oyo Boy Sotto bilang Samboy, matutuklasan nila ang isang hiwaga na magiging susi sa mga kaso ng pagpatay sa bayan. Guest sa episode na ito sina Vangie Labalan, Patani, Justin Rosana, Zyrus Desamparado, Carlon Matobato, at Joann Co. Mapapanood ang programa pagkatapos ng Talentadong Pinoy ngayong Sabado sa TV5.