MANILA, Philippines - Ngayong Linggo sa Joey’s Quirky World, bibisitahin ng mga hosts na sina Lady Loca (Joey de Leon) at Ricky Bola (Ryan Yllana) ang Germany para tikman ang sikat na German sausage.
Sa dakong Asya naman, aalamin nila ang mga kakaibang trabaho at pagkain doon. May bonus pang animal trick na tampok ang tatlong aso na kung maglakad ay kabit-kabit.
At sa bago nitong timeslot ngayong Lunes, makakasama ng mga hosts ang bago nilang bisita. Abangan kung sino ito! Pupuntahan nila ang Japan para saksihan ang kanilang taunang drum festival. Pagkatapos ay dadaan din sila sa Galata Bridge — isang fishing paradise sa Turkey.
Join na sa kakaibang trip paikot ng Joey’s Quirky World sa GMA 7 tuwing Linggo bago mag-SOP Rules at sa bago nitong timeslot tuwing Lunes bago mag-Family Feud.