Puli sa May Bukas Pa sa Cebu gihimo!
CEBU, Philippines - Nag-shooting pasado alas dos sa hapon kagahapon sila si Vina Morales, Pilar Pilapil ug John Estrada sa Cebu Metropolitan Cathedral.
Kini alang sa umaabot nga teleserye sa ABS-CBN nga matud pa maoy ihulip sa May Bukas Pa karong February 10. Ang gipasabot nga teleserye mao ang Aqua Bendita diin si Andi Eigenman na maoy bida.
Kahinumduman nga ang Agua Bendita kanhi proyekto nga gibituonan ni Shaina Magdayao sa ABS-CBN gihapon. Wala hinuon matino kung susama ra ba kini og istorya sa version nga gibituonan ni Shaina.
Kasaligan kaayo nga tinubdan sa Banat Hugyaw mibutyag nga lakip sa cast ang sikat nga mga local talents sa ABS-CBN-Cebu nga sila si Gil Maningo ug Bernard Visitacion. Duna puy mga bata nga nagpangidaron og syete anyos sa cast.
“Pipila ka mga scenes will be shot here. Some dialogs are in Cebuano (mixed) specially kung ka-eksena si “Amalia” nga si Pilar Pilapil. Vina too (naay mixed Cebuano), anak siya ni Pilar, then Cebuano sila sa salida (of course, of real life!). That is why dunay Cebu locations,” tsika pa sa kasaligang tinubdan sa Banat Hugyaw.
Nasayran nga Santos nga Misa ang gipahigayon sa Cathedral kagahapon sa hapon, samtang sa samang takna nag-shooting pud og mga eksena sila si Maningo sa Carcar City.
Karong adlawa, gitakda nga mag-shoot og pipila ka mga eksena sila si Vina ug John diha mismo sa rota sa Sinulog mardigras.
“Nangayo sa Sto. Niño si Vina ug John nga makaanak sila. Nanganak sila “Bendita” ang pangalan. Mao nang “Aqua Bendita” ang title,” dugang pa sa tinubdan.
- Latest
