Geoff hindi bagay ang katawan sa guwapong mukha
Nakausap namin sa telepono nung isang araw ang superstar na si Nora Aunor na naka-base na ngayon sa Los Angeles, California. Ibinalita nito sa amin na tuloy na tuloy na ang kanyang series of concerts sa Canada sa buwan ng Marso and early part ng Abril sa taong kasalukuyan. Ang kanyang schedule ay magsisimula sa Vancouver sa March 6 na susundan sa March 20 sa Toronto, March 28 sa Edmonton, sa Winnipeg, Manitoba sa April 3 at kinabukasan, April 4 ay sa Calgary, Alberta naman siya magtatanghal.
Ang kanyang March 20 concert sa Toronto ay gaganapin sa Toronto International Celebration Church Main Auditorium at kung saan naman may special participation sina Robert Desmond Bermoso ng Robert Desmond Band (RDB), Marc Ballesteros at Jennifer Camacho.
Looking forward si Guy sa kanyang pagbabalik sa Pilipinas this year lalupa’t nasa negotiation stage na ang ilang projects na naghihintay sa kanya rito.
Since walang manager ngayon si Guy, isa si Kuya Germs (German Moreno) sa mga tumutulong sa kanya ngayon. Balak din ni Kuya Germs na siya ang mag-produce ng comeback concert ni Guy sa Araneta Coliseum although may isa pang concert producer ang balak ding i-produce si Guy ng kanyang major concert sa Big Dome kasama ang Manila Philharmonic Orchestra at ito’y inaasikaso naman ng isa pang malapit kay Guy na si Albert Sunga.
Since under wraps pa ang iba pang projects na naghihintay kay Guy, ayaw niya munang magbigay ng detalye hangga’t hindi pa sarado ang lahat.
Bukod sa concert, umaasa si Guy na makagawa ng isang matinding pelikula as her comeback movie ganoon din naman ng isang bagong teleserye and hopefully, bagong album.
Mahigit limang taon nang nasa Amerika si Guy kaya ganoon na lamang ang kanyang excitement sa muling pagbabalik-bayan na kung hindi kami nagkakamali ay malamang mangyari sa buwan ng Abril pagkatapos ng kanyang series of concerts sa Canada.
* * *
When everyone was hoping na sa kasal mauuwi ang relasyon ni Vina Morales sa kanyang ex-boyfriend na si Cedric Lee, ama ng kanyang one-year-old daughter na si Ceana, sa hiwalayan din ito nauwi.
Back to her old form na naman si Vina na kilala sa kanyang pagiging ‘total performer’.
* * *
Kapansin-pansin ang pagiging mataba ni Geoff Eigenmann na tila hindi conscious sa kanyang katawan. Napaka-guwapo ni Geoff pero hindi bagay ang kanyang katawan sa kanyang kaguwapuhan. Kung sina Kris Bernal, Kim Chiu at Rhian Ramos ay kailangang magdagdag ng timbang, si Geoff naman ay kailangang magbawas ng kanyang weight.
Kasama si Geoff sa The Last Prince na pinagbibidahan nina Kris at Aljur Abrenica.
* * *
Nasaksihan ng publiko kung gaano kamahal ng PBB ex-housemate na si Rocky Salumbides ang kanyang girlfriend na si Eula Valdez dahil nag-voluntary exit siya para lamang makapiling ang mahusay na aktres na matagal na ring hiwalay sa kanyang Australia-based ex-husband na si Richard Litonjua.
Aware si Eula sa mga kumakalat na nude photos ng kanyang boyfriend sa internet pero hindi siya apektado dahil ito’y kuha umano sa isang international coffee table book kung saan isa ang kanyang boyfriend sa mga featured models.
Isa rin si Eula sa cast ng The Last Prince na pinamamahalaan ni Mac Alejandre.
* * *
- Latest
