Movie ng Star Cinema nagso-shooting pa

Hindi pa raw tapos ang pelikulang I Love You Goodbye.

Aba, kailangang bilis-bilisan nila. Pasko na next week, matatagalan pa ang post production nito, baka naman hindi sila umabot.

Understandable naman kung magahol sa shooting ang director nitong si Laurice Guillen dahil namatay nga si Johnny Delgado at kinailangan talaga siyang tumigil sa trabaho para bigyan ng panahon ang huling pagsasama-sama nilang pamilya bago ito ilibing.

* * *

Marami talaga ang nagtataka kung bakit nawala si Mark Anthony Fernandez sa Darna. Kailangan daw siyang operahan.

Ilang araw ko na siyang pinipilit kontakin pero laging busy ang cell niya pero, di ako titigil hangga’t di ko siya nakakausap.

* * *

Si Vic Sotto, payag magka-programa sa ABS-CBN?

Walang masama. Wala naman siyang kontrata sa GMA 7, sa APT Entertainment, producer ng Eat Bulaga at pinamumunuan ni Tony Tuviera siya nakatali.

Lumalabas na si Vic sa TV5, sa Who Wants to Be A Millionaire? at patok ang programa niya rito.