Sam buking na in love kay Maja

Hindi pala totoo yung kuwento na hindi sisiputin ni Judy Ann Santos ang Christ­­mas Special ng ABS-CBN na pinamagatang Bro, Ikaw Ang Star ng Pas­ko na ginanap sa Araneta Coliseum nung Sa­ba­­do ng gabi. Very much around ang aktres na napa­kaganda sa kanyang suot na electric blue gown at hi­ni­rang na Reyna ng Teleserye ng Kapa­milya network.

Pinaka-unang mapa­panood pagpa­sok ng 2010 ang kanyang nurseryeng Ha­bang May Buhay, isang medical drama na mag­ta­tampok muli sa tambalan nila ni Derek Ramsay at Gladys Reyes. Bukod sa bago niyang titulo na madali niyang nakuha sa pagkawala ni Clau­dine Barretto, mayroon nang Ms. ang pangalan niya ngayon sa nasabing network.

Ang Habang May Buhay ay hudyat ng pagbabalik ni Juday sa paggawa ng teleserye matapos ang mata­gal-tagal na hindi siya lumabas sa drama. Pagdiriwang din ito ng ika-60 taon ng soap opera na ngayon ay paghaharian na ni Juday.

Isang sitcom ang kasalukuyang tumatakbong prog­rama nila ng mister niyang si Ryan Agoncillo sa ABS-CBN na pinamagatang George & Cecil.

Isa pa ring anunsiyo na nabatid ng napa­kara­ming manonood na dumayo ng Araneta Coli­seum ay ang pagbabalik sa pag-arte ng mahusay na concert director na si Rowell Santiago. Kasama ito sa isa pang bagong telenovela ng Dos, ang Ta­nging Yaman na tatampukan din nina Agot Isidro, Mylene Dizon, Me­lis­sa Ricks, EJ Falcon, Erich Gonzales, at En­chong Dee.

Ilan pa sa mga bagong programa ng Dos na ma­pa­­panood sa pagpasok ng bagong taon ay ang Pre­cious Hearts Romance na magtatampok kina Sam Milby at Maja Salvador. Sabi ng mga guwapong ka­tabi ko na mga bading pala dahil tili nang tili kay Sam ay nagseselos sila kay Maja da­­hil ramdam nila na in love dito si Sam. Kita raw nila sa mga nakapalibot na video screens ang pag­ni­ningning ng mata ni Sam habang kumakanta sila sa stage ni Maja. Talaga, na­kita nila pati yun? Ang talas naman ng mga mata nila.

It was a most beautiful Christmas show, a fitting celebration for the birthday of Bro at nagtampok sa lahat ng Kapamilya stars, kay ABS-CBN pre­sident Charo Santos, sa ilang mga bayani na lu­ma­bas nung kasagsagan ng bagyong Ondoy. Ki­nilala at binigyan din sila ng tribute sa show.

* * *

Naramdaman sa Christmas special kung sino ang mga popular na Kapamilya stars. Nangu­ngu­na na si Zaijian Jaranilla a.k.a Santino na tu­wing lumalabas ng stage ay tinitilian ng audience.

Sinalubong din ng sigawan ang paglabas sa stage ni EJ Falcon kasama sina Enchong Dee at Erich Gonzales. Akala ko, nasapawan na siya ni Enchong sa kasikatan, dahil ito na ang luma­labas na kapareha ni Erich sa Katorse, hindi naman pala. 

Tinilian din si Coco Martin nang lumabas ito ka­sama ang iba pang cast ng Kung Tayo’y Mag­kakalayo, isa pa ring bagong teleserye na sina Ma­ri­car Reyes, Kim Chiu, Gerald Anderson, Gabby Concepcion at ang mag-inang Kris Aqui­no at Baby James Yap. Panay ang kaway ng bun­so ni Kris na nakasuot ng Michael Jackson na parang isa nang ganap na artista.

* * *

Red ang dominating color ng mga suot ng Ka­pa­­milya stars. Sumunod ang black, pagkatapos puti.

Nagsilbing showdown ang palabas ng mga ma­g­a­galing kumanta tulad nina Gary V. Martin Nie­vera, Jed Madela, Erik Santos, Rachelle Ann Go, ZsaZsa Padilla, Vina Morales, Laarni Lo­zada, Sheryn Regis, Yeng Constantino, at Arnel Pineda.

Biritang umaatikabo talaga silang lahat. Pero hin­di rin naman nagpahuli sina Kuh Ledesma, Nina at Aiza Sequerra. Lahat ng kumanta ay sina­liwan ng isang banda na pinamunuan ni Maestro Ryan Cayabyab. Dahil hindi naman mga talagang singers, minus one ang naging kasaliw ng mga bagets na kumanta rin.

* * *

Mukhang mas madidiin lalo si Krista Ranillo nga­yong nagrereklamo rin si Bianca King sa gina­wa niyang pagpapaalis dito sa kanilang dressing room.

Hindi pa man nabibigyang linaw ni Krista ang isyu sa kanila ni Manny Pacquiao, heto at may bago na naman siyang kaso.

Panoorin ang blow by blow at detalyadong re­port ng Showbiz Central tungkol sa mga intriga sa Pambansang Kamao ngayong hapon sa GMA7.