May event kahapon sa Enchanted Kingdom si Bong Revilla kaya nag-imbita ang GMA Films ng press people.
Hindi lang ang star ng Ang Panday ang na-sight ng mga reporter sa Enchanted Kingdom dahil naroon din si Krista Ranillo na may taping para sa isang show ng ABS-CBN.
Dinedma ng mga reporter si Krista. Hindi sila nag-trying hard na lapitan at kausapin ang girl na nali-link kay Manny Pacquiao. Naroroon sila para kay Bong, hindi para kay Krista na uniiwas sa press. Darating ang araw na kakailanganin ni Krista ang tulong ng entertainment press at sana lang, interesado pa sa kanya ang mga reporter kung sakaling dumating ang panahon na sinasabi ko.
* * *
Idinenay ni Papa Gilbert Remulla ang balita na nag-walk out siya sa Christmas party ng isang publication nang dumating si Senator Noynoy Aquino.
Nagkita kami kahapon ni Papa Gilbert sa Laurel house ni Senator Manny Villar. Nilinaw ni Papa Gilbert na binati niya si Noynoy bago siya umalis sa party. Wala raw isnaban na nangyari.
Kakandidatong senador si Papa Gilbert sa ilalim ng Nacionalista Party ni Papa Manny. Magkaiba man ang political party nila ni Noynoy, wala raw dahilan para hindi sila magbatian.
* * *
Fit na fit si Papa Manny nang dumating siya sa kanyang lunch with the entertainment press.
Handang-handa na talaga si Papa Manny sa mga challenge ng presidential race. Nagpapasalamat si Papa Manny dahil siya ang presidential bet ni Mang Dolphy. Siya rin ang ikakampanya ni Michael V.
Parehong taga-Tondo sina Papa Manny at Mang Dolphy. Nakatira raw sila sa Moriones, Tondo pero hindi personal na magkakilala ang dalawa. Na-meet lang nila ang isa’t isa sa mga event na kapwa nila dinaluhan.
* * *
Naki-lunch din sa entertainment press si Senator Loren Legarda, ang runningmate ni Papa Manny.
Madalas na makasalamuha ni Senator Loren ang entertainment press kaya kilala niya ang karamihan sa mga reporter.
Kulay orange ang blouse at hikaw ni Mama Loren. Orange ang campaign color ni Papa Manny. Magkasundong-magkasundo sila dahil suportado ni Papa Manny ang mga project ni Mama Loren para sa pangangalaga ng ating kalikasan at kapaligiran.
* * *
Thank you kina Papa Manny at Mama Loren dahil ako ang nagwagi ng biggest prize sa kanilang Christmas raffle draw.
Walang misreading na nangyari ‘huh! Nahiya lang si Papa Manny na sabihin ang aking pangalan pero ito talaga ang nakasulat sa stub na nabunot niya. Wala sa bokabularyo ni Papa Manny ang mandaya ‘no!
* * *
Mamayang gabi na ang huling episode ng Stairway To Heaven. Huwag ninyong kalimutan na panoorin ang ending ng teleserye nina Dingdong Dantes at Rhian Ramos. Siguraduhin n’yo lang na may hawak kayong mga panyo o napkin habang nanonood dahil nakakaiyak ang mga eksena na inyong masasaksihan. Bato na lang ang puso ng hindi mapapaluha sa madamdaming tagpo.