MANILA, Philippines - Ang Grammy awardee na si Melissa Manchester ay inaabangan na ng lahat ng Pinoy dahil makaka-dueto niya ang sariling atin na si Imelda Papin sa Dec. 19 sa Plenary Hall ng Philippine International Convention Center sa Roxas Boulevard.
Pinamagatang Back-to-Back, magpapamalas si Melissa ng kanyang singing prowess sa mga pinasikat na Don’t Cry Out Loud, Looking Through the Eyes of Love, The Promise I’ll Never Say Goodbye, Come in From the Rain, Whenever I Call You Friend, You Should Hear How She Talks About You, and Midnight Blue.
Isang multi-talented artist si Melissa dahil hindi lang siya singer, songwriter, at pianist, naging aktres din siya sa pelikula, telebisyon, at stage musical.
Ang Back-to-Back ay handog ng 618 International Entertainment Incorporated at Viva Concerts & Events. Mabibili na ang tiket sa lahat ng SM Ticketnet outlets (911-5555) at Ticketworld (891-9999). Para sa mga detalye, tumawag sa opisina ng Viva Concerts & Events sa 687-7236.