CEBU, Philippines - Usa ka Pinoy ang nahimutang sa 3rd place sa bag-ohay pa lang nga Mam Talent sa Poland (franchise sa “Got Talent”.) Siya si Alexander Martinez kinsa nakadawat og premyo nga 5,000 Euro ug plane ticket paingon dinhi sa Pilipinas.
Erich inatiman sa Dos
Matud pa nga giatiman og maayo karon sa ABS - CBN ang Katorse star nga si Erich Gonzales kay mao kini napanglantawan umaabot nga importanteng bituon sa 2010, gawas ni Kim Chiu.Pwes, pinili gyud ang projects ni Erich aron muhaom sa plano sa management alang niya.
Pelikula ang sunod tirada
Human sa Lovers in Paris, gikatakda nga mag-uban gihapon sila si KC Concepcion ug Piolo Pascual sa usa ka pelikula sunod tuig. Tsika pa ni KC nga komportable siya kung si Piolo ang ikauban niya sa trabaho.
Bea ug Angel target ni Cesar
Gipadayag ni Cesar Montano nga naa ra nila ni Bea Alonzo o Angel Locsin ang mahimo niya nga leading lady sa himuon niya nga indie film nga nag-ulohan og The Quick Brown Fox.