Tahasang pinapupurihan ni Alma Moreno ang puno ng kanyang partido in her reelection bid bilang konsehala ng Parañaque City. Ang nakakatawa, ang mayor na dinadala ni Alma ay ang makakatunggali ng dating asawang si Joey Marquez.
May katuwiran naman si Alma sa kanyang loyalty to the party. Nag-usap naman daw sila ni Joey na noo’y hindi tatakbo uli bilang alkalde. Dagdag pa sa ‘‘family conflict’’ na ito ay ang pag-anib din ng kanilang anak na si Wyn-Wyn (SK chair) sa partido ng ina, kaya malabong suportahan ng mag-ina si Joey.
Siyempre, kung saan ang ina ay naroon din si Vandolf, anak ni Ness kay Dolphy.
Samantala, kagagaling lang ni Alma sa Maguindanao, kung saan nasaksihan niya ang aftermath ng madugong pangyayari. Kaibigan pala nila ng asawang si Marawi City Mayor Fahad Salic ang governor ng Sultan Kudarat, maging ang lawyer na isa sa mga pinaslang umano ng kampo ni Ampatuan ay malapit din sa kanila.
* * *
After much thought and deliberation ay itinuloy ng PPL Entertainment, Inc. led by Perry Lansigan ang maagang pa-Christmas treat nila sa press nitong Huwebes. In full force ang pitong artista ni Perry sa pangunguna ni Dingdong Dantes.
Hindi lang bonggang-bongga as promised ang okasyong ’yon, marespeto pa ito sa press in terms of how preperations were made bilang pasasalamat sa mga naitulong nito sa career ng mga artista ni Perry.
Sa flyer, wari’y inaanyayahan ng PPL ang ibang mga artista na dito na lang ipagkatiwala ang kanilang career. Isang testimonial nga ang ibinahagi ni Dingdong that ends with: ‘‘I’m excited with what PPL can do for you, too,’’ na siyang naglikha kung anuman siya ngayon sa showbiz.
Nakaanunsiyo rin sa flyer ang pag-alagwa ng PPL with its many creative services aside from artist management.
Meron kaming common friend ni Perry, a US-based entertainer who had worked with him during his fledgling years with GMA 7. Bukod sa namangha sa malayo nang naabot ni Perry ay masaya ito para sa kaibigan whose feet, despite innumerable yet well-deserved successes in his career, are planted on terra firma.
Sa iyo, Perry at sa iyong mga alaga, mabuhay kayo!
* * *
Tatlong matitinding hitmakers ang sasabak sa dancefloor ng Shall We Dance? ngayong gabi. Sino kaya kina Jet Pangan, Jay-Ar Siaboc, at Jinky Vidal ng Freestyle is out to impress the judges?
At mukhang suki na nga ang mga taga-Eat Bulaga sa TV5 dahil kaabang-abang at kakaiba ang number ng Sexbomb dancers kasama ang SWD host na si Lucy Torres-Gomez. Kung ano ang pakulo na gagawin nila is something you shouldn’t dare miss.
Mamayang alas-otso y medya ng gabi, let’s all swing to the beat!