MANILA, Philippines - Nakilala siya sa radio sa mga kantang The Show at Trouble is a Friend dahil sa mga US TV series na Grey’s Anatomy, Ugly Betty, and 90210. Ngayon ay makikilala ng personal ang singer sa likod ng mga kanta sa pagdating niya sa Disyembre dahil dadalhin ng Sony Music sa tatlong malalaking SM Malls ang Australian na si Lenka.
Sa pakikipagtulungan ng MYX at 96.3 EasyRock, ang The Show with Lenka Live in Manila ay gaganapin sa Dec. 11 sa SM Megamall, Dec. 12 sa SM Mall of Asia, at Dec. 13 sa SM North EDSA. Ipaparinig ni Lenka ang mga awitin na pawang “mood enhancers” mula sa kanyang self-titled debut album na ang bagong single ay Knock, Knock.
Sabi ng Australyana, “I don’t like it when people are depressed. I want to cheer them up.”