People are talking about Jef or Amanda ang Sole Survivor?

CEBU, Philippines - May migawas nga taho pipila ka adlaw na ang milabay nga si Jef Gaitan ang midaog sa Survivor Philippines: Palau. Pero kung tugkaron, imposibli ang maong senaryo tungod kay walay napamatud-an si Jef sa ilang mga challenges busa maglisod siya og kuha sa simpatiya sa pito ka jury.

Niining bag-o lang, mihirit pod ang tsika nga si Amanda Colley Van Cooll maoy midaog. Posibli ang maong tsika tungod kay niining uwahing mga adlaw nila sa Palau siya maoy kanunay midaog sa immunity ug reward challenges, busa hayan makuha niya ang pito ka boto sa jury.

Sa sinugdanan sa Survivor Palau daghan ang nangandoy nga si Justine Ferrer maoy mudaog sanglit tinuod gyud siya nga survivor gumikan sa iyang kalampusan didto sa Isla Purgatoryo. Gani, kasagaran sa sakop sa jury miingon nga ang maong transsexual maoy ilang gusto nga makauban sa top 2. Apan niining katapusang mga adlaw, labihan ka bangis ni Justine ug labihan ka sakit sa iyang gibuhiang mga pamahayag. Pwes, unsay nagpaabot kaniya sa live telecast sa Survivor Philippines: Palau sa GMA-7?

Pagminyo na lang Jolens!

Ni sanden anadia

Dili na ikalimod nga mihupas na gyud ang kasikat ni Jolina Magdangal, hinungdan nga dunay mitambag nga mas maayo nga magminyo na lamang ang aktres. Tutal matud pa, tukma na kaayo ang edad ni Jolens aron mo-settle down.

Sakit sa inahan gigamit

Nagbalik-balik og hisgot ang starlet nga si Princess Violago sa sitwasyon sa iyang inahan nga nasakit. Daghan ang nagduda nga gituyo kini ni Princess aron makakuha og simpatiya sa publiko ug makabaton og libre nga publicity.

Libro ka lang

Nakahuna-huna si Gary Valenciano nga mosuwat og kaugalingon niya nga libro.

Full House sa Prague

Milupad na niadtong Miyerkules sa gabii sila si Richard Gutierrez ug Heart Evangelista paingon sa Prague alang sa taping sa Full House. (Sanden J. Anadia)