CEBU, Philippines - Ay naku naku naku, kumusta naman ang akong mga suking kahugyawnatics ug mga kabonding? Na busy ang beauty sa inyong kabonding sa mga milabay nga semana sa pagpangita sa mga labing hugyaw, labing bongga ug mga labing talented nga mga Sugbuanon alang sa labing bag-o nga TALENT ug REALITY SHOW SA PILIPINAS NGA GIKAN PA SA UNITED KINGDOM, AMERIKA, AUSTRALIA UG UBAN PA! – PILIPINAS GOT TALENT!
Adtong niaging semana, gisugdan sa PILIPINAS GOT TALENT ang PRE-AUDITIONS sa BATANGAS ug gahapong adlawa, gidumog ang CEBU INSTITUTE OF TECHNOLOGY alang sa unang adlaw sa 3- day PRE-AUDITIONS sa PILIPINAS GOT TALENT! Sayo palang sa buntag taas na ang linya sa backgate sa maong eskwelahan. Akong nakit-an ang klase-klaseng mugna aron mapabilib ang mga judges sa pre –audition. Dili malalis nga daghan og singers ug dancers sa Sugbo pero aduna poy nagpakitang gilas nga mga fire dancers, pet trainers, contortionists, magicians, bikers, actors, impersonators, belly dancers ug uban pa! CEBU GOT TALENT GYUD! Mitikang pud sa Sugbo ang mga nag text gikan pa sa Leyte, Negros ug Bacolod! O DIBA? TIBUOK PILIPINAS GYUD NI! Mao ni ang talent search nga walay gipiling edad ug talent! Bisan unsa PWEDE!
Mas mahimong lingaw ang maong talent search tungod sa mga kwela ug mga talented pud nga mga hosts nga sila Luis Manzano ug BIllly Crawford nga puros myembro sa KANTO BOYS nga atong makita sa ASAP matag Dominggo! Matod ni Billy nga fan kaayo pud sa GOT TALENT sa AMERICA, dili lang sila ordinaryong hosts tungod kay mamahimo silang “kuya” sa mga contestants. Big Brothers ang show! Hahaha! Ila gyung ila-ilahon ang matag usa niini, mga kaagi sa contestants nga siguradong atangan sa mga televiewers. Si Billy ug Luis ang mamahimong counterpart nilang Ant ug Dec sa BRITAIN GOT TALENT! Of course didto pud nailhan sila Madonna Decena ug Charlie Green! O di ba? World class gyud ang Pinoy!
Sa ganahang magpakita sa ilang mga talento, pwede pa silang muapas karong adlawa ug ugma diha sa Cebu Institute of Technology, 9 AM. Magpauwahi ba ang mga Bisaya? Adto na ug ipamatuod sa tibuok kalibutan nga PILIPINAS GOT TALENT!