Seen : Nainis ang entertainment people dahil late na dumating si Yeng Constantino sa presscon ng kanyang record album noong Miyerkules. Hindi nag-apologize si Yeng sa mga reporter na kanyang pinaghintay.
Scene : Hindi ikinagulat ng showbiz press ang pag-amin ni Robin Padilla na hiwalay na sila ni Leizl Sicangco dahil noon pa man, umiiwas na siya na pag-usapan ang kanyang asawa.
Seen : Sina Krissa Mae Arrieta at Jay-R sa isang Japanese restaurant sa Morato noong Huwebes ng gabi. Hindi na nila inililihim ang kanilang relasyon.
Scene : Marami sa mga Kapamilya stars ang wala sa magandang Christmas station ID ng ABS-CBN.
Seen : Pareho na nang hosting style sa PBB Double Up nina Mariel Rodriguez at Bianca Gonzales. Malakas ang impluwensiya ni Mariel dahil nagagaya na ni Bianca ang kanyang kilos at pagsasalita sa uplate edition ng PBB.
Scene : Sold-out ang tickets para sa Record Breaker concert ni Sarah Geronimo na gaganapin mamayang gabi sa Araneta Coliseum. Nagpapasalamat si Sarah sa kanyang fans na bumili ng tickets.
Seen : Ang mala-kurtina na damit kahapon ni Donita Rose sa Umagang Kay Ganda. Certified fashion victim si Donita.
Scene : Ngayon ang libing sa Loyola Memorial Park ( Marikina City ) ng mahal na ina ni Roderick Paulate. Isang lihim ni Roderick ang ipinagtapat niya sa kanyang ina bago ito nagpaalam.
Seen : Pinaglaruan si Dionisia Pacquiao sa publicity photo/pictorial ng Ang Tanging Pamilya.