CEBU, Philippines - Gisuwerte og maayo si Beyonce Knowles gumikan kay mihakot kini og tulo ka pasidungog sa bag-ohay pa lang nga MTV Europe Music Awards 2009. Kini naglangkob sa “Best Female Act, Best Song (“Halo”) ug Best Video alang sa iyang awit nga Single Ladies.
Arnel mihimakak sa isyu
Gihimakak ni Arnel Pineda ang mitumaw nga tsismis nga mag-solo na siya busa iyang biyaan ang grupong Journey.Matud pa ni Arnel nga wa siya’y plano nga magsolo kay daghan pa siya og commitments sa iyang grupo.
Angel: donate mo og dugo
Way hunong ang adbokasiya ni Angel Locsin sa pagtabang sa iyang isigkatawo kay human sa pagtabang niya sa mga biktima sa bagyo, miawhag na usab karon ang aktres sa publiko nga mo-donar og dugo sa Red Cross aron makatabang sa mga nanginahanglan niini.
Entertaining Dreamguyz!
Dunay miingon nga labing bold nga gay movie ang I Love Dreamguyz nga mugna sa banggiitang direktor nga si Joel Lamangan. Pero kung yak-an nimo ang maong pelikula, masuta nimo nga feel-good movie ra diay kini, pang relax ra ang dagan sa istorya. Entertaining ug dili luod ang love scene sa supporting casts nga sila si Jao Mapa ug Sherwin Ordonez. Class ang pagkamugna sa ilang lovemaking ug gipangitngitan busa migawas nga romantic tan-awon. Sa tulo ka gay oriented movies nga mugna ni Lamangan—Heavenly Touch, Dreamguyz ug Walang Kawala——ang nauwahi ang maisip nga boldest and most tragic ug gidesenyo aron makalangkat og acting awards ang mga bida. Exclusive ang I Love Dreamguys nga makita sa New Ultravistarama diha sa dalan Pelaez.