Paolo nataypan TV 5
CEBU, Philippines - Human nahimong guest judge di pa lang dugay si Paolo Bediones sa Talentadong Pinoy hosted by Ryan Agoncillo sa TV 5, nakakuha na hinuon og idea ang mga kadagkuan sa maong network nga iuban ang duha sa usa ka show.
Mitumaw usab ang lain nga istorya nga matud pa himoon si Paolo og co-host ni Lucy Torres-Gomez sa Shall We Dance sunod tuig.
Busa daghan ang nagduda nga basin senyales na kini nga temporaryong moistar sa TV 5 si Paolo gikan sa tugkaran sa GMA-7 ilabi na nga wa pa’y gikataho nga next project ang TV host after sa iyang Survivor Philippines: Palau.
Talk Show for Juday and Ryan
Gitanyagan matud pa sa ABS-CBN ang magtiayong Judy Ann Santos ug Ryan Agoncillo og usa ka morning talk show. Pero wa mosugot ang manager ni Ryan nga si Noel Ferrer sa maong tanyag gumikan kay ang kondisyon niini kay kinahanglan mo-resign ang aktor sa Eat Bulaga.
“Magic Touch”
Gipadayag sa kanhi senador Tito Sotto nga ‘magic touch’ si Pia Guanio sa kinabuhi sa iyang igsuon nga si Vic gumikan kay permi magmalipayon ang dagway niini sukad nahulma ang ilang relasyon..
Inahan ni Roderick mipanaw
Mipanaw na niadtong Lunes sa gabii ang inahan sa komediyante nga si Roderick Paulate gumikan sa renal failure.
Piolo imbitado sa kasal ni Rica
Imbitado si Piolo Pascual sa kasal ni Rica Paralejo sunod tuig. Kahinumduman na link kaniadto si Rica kang Piolo tungod sa closeness nga ilang gipakita ilabi na nga kauban sila sa simbahan.
Nabiyaan ang mga butang
Nabiyaan matud pa sa international airport sa Bangkok, Thailand ang butang nila ni PBB housemate Cathy Remperas ug PBB business unit manager/director Lauren Dyogi sa dihang mitikang sila sa Finland .
Kagamay ra gud
Migawas karon ang taho nga matud pa wa kaabot og 50 ang mga nag-audition sa Singapore alang sa reality show nga Starstruck V sa GMA-7.
Shooting sa ATP gipaspasan
Matud pa nga gipamub-an na lang ang mga eksena ni kanhi Joseph Estrada sa Ang Tanging Pamilya gumikan sa ka-busy niini sa politika. Dugang pa nga gikinahanglan nga paspasan na og maayo ang maong pelikula gumikan kay sa November 11 na ang play date niini.
Super Inggo Cartoon Version
Sa November 22 na ang premiere sa animated series sa ABS-CBN nga “Super Inggo at ang Super Tropa”.
Dennis Nasakit
Di pa sure kung makatunga ba karong adlawa si Dennis Trillo sa taping sa Darna gumikan kay naglain ang lawas niini sukad gahapon.
Alkris isip alien
Gipahigayon na kagahapon ang story conference sa umaabot nga telefantasya (wa pa’y titulo) nila ni Aljur Abrenica ug Kris Bernal. Sa gipakita nga teaser sa GMA-7, nagpakita kini sa duha ka alien ng mitugpa sa yuta. Si Mac Alejandre maoy direktor sa nahisgutang proyekto.
Di pa gyud okay
Giklaro ni Angel Locsin nga di pa gyud sila 100 percent nga okay sa kanhi niya boyfriend nga si Luis Manzano bisan nagka-istrorya pa sila niini sa set sa ASAP ’09 niadtong Domingo.
Niangkon na gyud
Human sa pipila ka buwan sa pagsige og deny , giangkon na gyud ni Jolina Magdangal nga iyang boyfriend ang Rivermaya drummer nga si Mark Escueta.
Nora di kauli
Gituohan nga di kauli dinhi sa Pilipinas si Nora Aunor sa sunod tuig gumikan kay nagbaha ang iyang shows sa abroad.
Side A is back
Mibalik na sa music industry ang sikat nga Side A Band pinaagi sa bag-o nila nga album nga nag-ulohan og Only 1 ubos sa MCA Music.
Si Robin diay ang mibalibad
Si Robin Padilla diay ang mibalibad nga magkauban sila ni Kris Aquino sa upcoming ABS-CBN series nga Kung Tayo’y Magkakalayo.
Randy gikapoy
Gikapoy si Randy Santiago busa temporaryo siya nga wa modawat og shows sa ABS-CBN.
Go Krista!
Bisan sa mga intriga, desidido na gyud si Krista Ranillo nga molantaw sa away ni Manny Pacquiao batok kang Miguel Cotto karong Nobyembre 15 sa Las Vegas.
- Latest
