MANILA, Philippines - Sa nalalapit na pagsisimula ng pinakamalaki at pinakabigating season ng StarStruck sa GMA 7, ilulunsad sa unang pagkakataon ang serye ng international auditions ng original reality-based artista search para sa lahat ng Pinoy sa labas ng bansa.
Inaabangan na ang pagbubukas ng panglimang season ng StarStruck dahil mas pinainit, mas pinatindi at mas pinabongga ang talent search ng GMA Network.
Magkakaroon ng auditions sa mga sumusunod na lugar:
Singapore, Japan, Middle East Bahrain
Abu Dhabi Dubai, United States Los Angeles
San Francisco and New Jersey.
Lahat ng aplikante na may Filipino lineage, may edad 16-23 years-old, lalaki o babae, at may natatanging talento sa pag-awit, pagsayaw at pag-arte ay inaanyayahan na sumali sa talent search.
Kinakailangang magdala ng original at photocopy ng kanilang birth certificate, at whole body at close-up photos. Lahat ng may edad 18 years old pababa ay dapat magdala ng written consent mula sa kanilang magulang at original at photocopy ng kanilang valid ID para makapasok sa audition.
Iniimbitahan din ang lahat ng aplikante na i-email ang kanilang pangalan, edad at contact number sa starstruck@gmanetwork.com mailto:starstruck@gmanetwork.com