Marunong magtago ng kanilang tunay na relasyon ang two young stars. Hindi mapapansin na may relasyon sila dahil hindi nakikitang sila lamang dalawa ang magkasama, casual lamang kasi ang pakikitungo nila sa isa’t isa tulad noong una pa lamang silang nagkakilala at nagkasama sa show.
* * *
Hiningan agad namin ng update si Matt Evans tungkol sa application niya for US citizenship nang makausap namin siya sa presscon na ibinigay ng Star Magic ng ABS-CBN sa mga September at October birthday celebrants. Nag-21 years old na kasi si Matt last Oct. 22, pero wala ng problema dahil hawak na ni Atty. Michael Garfunkel ang mga papers na kailangan at pina-process na ito.
Sa tanong sa kanya kung ayaw na niyang maging Pilipino, sagot niya ay gusto lang niyang makuha muna ang US citizenship niya, puwede naman ang dual citizenship. Kapag US citizen na siya, hahanapin na lang niya ang kanyang ama at gusto lang niyang makaharap ito, kahit hindi siya kilalanin.
* * *
Sa Nov. 4 na pala pupunta ng US si Raymond Gutierrez para sa audition ng StarStruck V international. Mauuna siya sa Los Angeles, California, sa Nov. 5 at 6 ang audition sa Crowne Plaza Redondo Beach Hotel, Harbor Drive, Redondo Beach, California.
Nakasama na sa kanyang itinerary ang San Francisco at sa Nov. 7-8 ang audition sa Hilton Sta. Clara in Parkway, Sta. Clara, California. Ang last leg ng audition sa Nov. 10-11 sa Holiday Inn Harmon Meadow, Plaza Drive, Secaucus, New Jersey. Hindi na itinuloy ang audition sa New York dahil malapit lamang ito sa New Jersey.
Sa Nov. 15 na ang pilot telecast ng StarStruck V hosted by Dingdong Dantes, Carla Abellana, at Raymond.
* * *
Thankful si Sheree na very understanding at open-minded ang sweetheart niyang si Gian Magdangal, nang makausap namin sa taping ng Rosalinda. Pumayag kasi siyang maging cover girl ng limited edition ng FHM na nagpakita siya ng buong katawan.
Pero bago pala siya pumayag magpa-pictorial, tinanong muna niya si Gian kung okay lamang siyang maghubad sa pictorial. Sagot naman ni Gian, if tastefully done, walang problema.
Nang matapos ang pictorial, humingi siya ng copy at ipinakita kay Gian. Ang comment nito: “Wow, ang ganda!”
Para kay Sheree, ayos lang sa kanya ang pictorial, pero kung live niya gagawin, hindi.
* * *
Got the news na nagpakasal na sina Luigi Muhlach (love child nina Aga Muhlach at Janice de Belen) at ang girlfriend nitong si Patricia Petil last Oct. 24 held at Hacienda Isabella ni Kuh Ledesma.
Nag-attend umano ng wedding ang mag-asawang Aga at Charlene Gonzales at kasama naman ni Janice ang apat niyang anak kay John Estrada.