Hindi lang sa training, ka-join din sa laban Krista sasama hanggang Las Vegas
Seen : Ang balak ni AiAi delas Alas na isara ang Ai Sarap!, ang kanyang restaurant na katabi ng Big Brother house at nasa harap ng ABS-CBN. Hindi personal na naasikaso ni AiAi ang kanyang negosyo.
Scene : Ngayon ang last day ng Ruffa & Ai, ang morning show nina Ruffa Gutierrez at AiAi delas Alas sa ABS-CBN.
Seen : Ayaw pag-usapan ni Sarah Geronimo ang tulong na ibinigay niya sa mga biktima ng bagyong Ondoy. Hindi siya kagaya ng ibang mga artista na ipinangalandakan ang ginawang pagtulong.
Scene : Ang wild guess na ang Lord of Scent na si Joel Cruz ang mananalo sa Celebrity Duets dahil gumagastos siya sa mga text vote. Wala nang excitement ang Celebrity Duets.
Seen : Nilalamon ni Sid Lucero sa akting si Jericho Rosales sa mga eksena nila sa Dahil May Isang Ikaw.
Scene : Ang balita na balak ni Krista Ranillo na panoorin ang November 14 fight nina Manny Pacquiao at Miguel Cotto sa Las Vegas.
Seen : Lalabas din ang buong katotohanan ang tanging sagot ng ina ng teenager na nagdemanda kay Aljur Abrenica ng acts of lasciviousness. Hindi iniinterbyu ng media ang kanyang anak dahil wala pa ito sa legal age.
Scene : Ngayong hapon (2:00 p.m to 6:00 p.m ) ang launch sa Luneta ng Lingkod Loren ni Senator Loren Legarda. May job fair, free medical mission, libreng gupit, libreng tawag at pagpapalabas ng pelikula tungkol sa climate change.
- Latest
