CEBU, Philippines - Bridesmaids sa kasal ni Roselle Nava sila si Jolina Magdangal ug Rica Peralejo karong umaabot January 7, 2010.
Kiko for Mayor?
Duna matud pay plano ang usa ka major political party nga palansaron pagka-mayor sa Quezon City si Senator Kiko Pangilinan.
“Music Icon” si Rachelle
Mibukad ang atay ni Rachelle Ann Go sa pamahayag ni Claire dela Fuente nga ang ex-girlfriend ni Gab Valenciano maoy musunod nga “music icon” sa Pilipinas.
Kadugo gyud unta!
Diriyot na pod magsumbagay matud pa sila si Jake Cuenca ug Baron Geisler niining bag-o lang kung wala pay nakauwang kanilang duruha.
Daghan na ang excited!
November 6, ang first shooting day nila ni John Lloyd Cruz ug Bea Alonzo alang sa ilang reunion movie ubos sa Star Cinema. Apil si Maricar Reyes niini ug si direk Cathy Garcia- Molina maoy mugama ug liwas sa Valentines sunod tuig ang showing niini. Katapusang pelikula nilang duha mao ang One More Chance.
Good-luck!
Makigtigi ang Cinemalaya entry nga 24K sa 2009 Hawaii International Film Festival samtang ang Ded na si Lolo ug Dinig Sana Kita ipasalida pod didto.
Thank you Heart!
Regalo sa iyang kanhi uyab ang Tiffany ring nga gi-donate ni Heart Evangelista sa auction for a cause nila ni Angel Locsin. Kantidad matud pa kini og P16,000 ngadto sa P20, 000.
Bag-o nag Bossing
Ang Philippine Long Distance Company na ni Manny Pangilinan ang naghupot og labing dako nga stocks sa TV5. Gikatahong 75% sa kinatibuk-ang stocks sa maong estasyon ang gipanag-iya na karon sa PLDT.
Erich Gonzales sa Main ug Mall
Ang sikat nga bida sa ABS-CBN “Katorse” nga si Erich Gonzales mao na usab ang molingaw sa mga shoppers sa Gaisano Main ug Gaisano Country Mall karong Sabado, Oktobre 24. Ang libreng show ni Erich magsugod alas-6:30 sa Gaisano Main Foodsquare ug sa Gaisano Country Mall alas-8:30 sa samang gabii. Gawas sa libreng kalingawan, may Anniversary Sale usab nga ipahigayon sugod Oktobre 23 hangtod na 25 diin hangtod 50% ang diskwento. Busa sa Gaisano Main na kamo pag-shopping kay gawas nga may diskwento, may libreng show pa gayod!