Amahan ni Rayver namatay

CEBU, Philippines - Human sa duha ka buwan nga na-confine sa Parañaque Medical Center, nabugtuan gyud sa iyang kinabuhi niadtong Lunes ang amahan ni Rayver Cruz nga si Rodolfo Ilustre gumikan sa kidney ug lung failure.

Eugene sa Star Studio

Si Eugene Domingo maoy cover girl sa Star Studio Magazine November issue diin gihulagway siya isip “Accidental Star”.

Jackie Lou mosulod sa Rosalinda

Sa di madugay makita si Jackie Lou Blanco sa Rosalinda isip tinoud nga inahan ni Fernando Jose nga gidala ni Geoff Eigenmann .

Dili na si Kris

Dili na host si Kris Aquino sa Pilipinas Got Talent sa ABS-CBN nga magsugod sunod tuig. Mag-judge na lang siya. Ang tsika mao nga si Billy Crawford maoy host niini.

Gosh Baron!

Gialsa gyud matud pa si Baron Geisler paggawas sa Pepeton bar niadtong Sabado sa gabii atol sa birthday party ni direk Maryo J. delos Reyes. Perteng hubuga matud pa ni Baron ug aron dili siya makamugna og kagubot gialsa na lang siya paingon sa gawas.

Akon motabang sa typhoon victims

Naghinam-hinam na og maayo si Akon alang sa iyang konsiyerto sa Araneta Coliseum karong Biyernes diin iyang special guest si Billy Crawford. Si Akon dunay pagbati sa mga biktima sa bagyo busa dunay parte sa kita sa maong concert ang mapunta sa Philippine National Red Cross.

Wala ka-survive ang survivor

Napildi sa PBB Double Up ang rating sa Survivor Philippines Palau. Angay nga dunay hugyaw nga mugna ang reality show ni Paolo Bediones aron dili mangiwit.

Mihinay tungod ni Ondoy

Giangkon sa Star Cinema nga mihinay ang kita sa In My Life tungod sa bagyong Ondoy. Hinungdan nga kada adlaw gyud ang plugging sa ABS-CBN.

Mag-mayor na pod

Subling manimpad si Joey Marquez sa politika. Mokandidato siya isip mayor sa Paranaque City sa piniliay sunod tuig.

Dili mi ni Erap!

Anti-Joseph Estrada ang mga anak ni Gary Valenciano. Dili nila feel ang laraw ni Erap nga mokandidato isip presidente sa Pilipinas sunod tuig.

Rock N Roll na ta

Banda-Oke Rock N Roll To Millions ang bag-ong titulo sa i-reformat nga Sunday TV show nila ni Jaya ug Allan K sa GMA-7.

Mo-submit og counter affidavit

Karong adlawa ang hearing ni Aljur Abrenica sa Department of Justice sa acts of lasciviousness case nga iyang giatubang. Iduso ni Aljur ang iyang counter-affidavit.

Hilom na lang ta

Pagpakahilom ang tubag   nila ni Pops Fernandez ug Gretchen Barreto batok sa mga pasangil nga gibato ni Mikaela Bilbao kanila.

Duha diay unta ka buwan ang pagbakasyon ni Nadine Samonte sa Europe pero nahimo na lang kini og duha ka semana tungod sa paghulip niya kang Sunshine Dizon sa Tinik Sa Dibdib.

Para ni Nadine, sakto kaayo ang pag-abot sa Tinik Sa Dibdib sanglit wala na ang iyang karakter isip Roma sa fantaserye nga Darna.

“Nagkataon naman na biglang nabigyan na ako ulit ng bagong show kaya ‘yung dapat na one month na bakasyon ko, naging two weeks na lang. Okey lang kasi may trabaho naman na naibigay ulit sa akin,” nagkanayon si Nadine.

Pag-abot sa aktres dinhi sa Pilipinas niadtong Sabado kay naka-focus dayon siya sa pagbasa sa script sa Tinik sa Dibdib ug nagsugod dayon sa taping niadtong Lunes.

“Alam ko na malaki ang magiging expectations ng marami sa akin because si Ate Sunshine ang pinalitan ko. Eh ang galing-galing niyang artista, ‘di ba? Proud naman ako na after her, ako ang naisip nila na pumalit sa kanya. Kaya I will do my best para maipakita ko na tama na ako ang napili nila as replacement for Ate Sunshine,” panapos pa ni Nadine.

Donaire nakadawat og daghang offer

Lima na lang ang nahibilin nga mga contenders sa Celebrity Duets Season 3 nga naglangkob nila ni Gina Alajar, Niccolo Cosme, Joel Cruz, Jomari Yllana, ug Akihiro Sato.

Daghan ang naguol sa pagkatangtang ni Nonito Donaire niadtong Sabado pero nakadawat ra ang boksingero niini.

“I had fun and I do not regret joining Celebrity Duets because I learned to be a good performer and singer on stage. Hindi lang pala boxing ang kaya kong gawin,” matud pa ni Donaire.

Aminado usab si Donaire nga naguol ang iyang asawa nga si Rachel pero wa siya’y mahimo niini.

“Alam ko na nalungkot siya (Rachel) but in any competition, someone wins and someone is not that lucky. But I will cherish every moment I had with Celebrity Duets because it really made me a more confident performer,” matud pa sa boxing icon.

Nakadawat na karon ang boksingero og mga offers aron pakantahon sa nagkadaiyang corporate events.