CEBU, Philippines - Si Rhian Ramos ang cover girl sa special edition sa S magazine diin ang unod niini nag-feature sa tanang talents sa GMA Artist Center. Samtang gianunsiyo ni Rhian nga mo-donate og 40 ka mga balay ang GMAAC alang sa mga biktima sa bagyong Ondoy. Gumikan sa kalamidad nga nahitabo, imbes mag-party si Rhian sa iyang birthday niadtong Sabado, nag-solicit siya og mga salapi aron itabang sa mga biktima sa baha.
Yaya ug Angelina mopahuway pa!
Tsika pa nga nasagap sa Pang Masa, nga kapin na sa P50 million ang kita sa Spoiled Brat as of Saturday (October 3,2009). Ang mga bida sa maong pelikula nga sila si Michael V ug Ogie Alcasid gikatakdang mopahuway una sa ilang karakter isip Angelina ug Yaya sa programang Bubble Gang .
Regine-Ogie show sa Europe hanap
Naminghoy si Ogie Alcasid gumikan kay dili pa segurado ang series of shows nila ni Regine Velasquez sa pipila ka dapit sa Europe. Matud pa nga “urong-sulong” ang producer nga mikuha kanila.
Carla ug Geoff miuban sa Red Cross
Way hunong ang pagduaw nila Carla Abellana ug Geoff Eigenmann sa mga lugar nga naapektuhan sa bagyo. Ang maong duha ka bituon sa Rosalinda miuban sa puwersa sa Red Cross-Alabang.
Kompetisyon gipadaplin
Tsika pa sa mga himantayon nga nalimtan na karon sa ABS-CBN ug GMA-7 ang kompetisyon gumikan kay naka-focus sila karon sa pagtabang sa mga biktima sa bagyo.
Ariel ug Maverick naapektuhan pud
Gawas ni Cristine Reyes, naapektuhan usab sila si Ariel ug Maverick sa grabeng baha nga miigo sa Provient Village. Nanawagan si Ariel kang Wilma Galvante nga tagaan siya og show sa estasyon. Samtang gipadayag ni Maverick nga dili na siya mopuyo og balik sa ilang lugar.
I Will Take You Forever
Gipistahan na usab karon sa Youtube ang audio clip sa kantang I Will Take You Forever nila ni Kris Lawrence ug Denise Laurel diin maoy nagsilbi karon nga soundtrack sa Korean series nga Shining Inheritance sa GMA-7.
Hangyo ni Richard
Gibutyag ni Richard Gutierrez nga dili unta ma-misinterpret sa mga tawo ang pagtabang niya kang Cristine Reyes sa dihang na-stranded kini sa baha. Kauban niya ang aktres sa Patient X busa dili na angay ikahibulong ang maayo niya nga pagtratar kang Cristine.
Coco giintriga
Matud pa sa mga showbiz observers nga maayo mo-arte si Coco Martin pero kinahanglan kini og dugang workshop aron ma-develop ang paglitok niya og mga words.
Warwick concert gilangaw
Giingong gamay ra ang nanan-aw sa concert sa international singer nga si Dionne Warwick sa Araneta Coliseum niadtong Biyernes sa gabii. Giingong resulta kini sa di maayong panahon nga miigo didto sa kaulohan.
Mga banggiitan mag-abot
Nangandam na og maayo ang veteran singers nga sila si Pilita Corrales ug Rico J. Puno alang sa umaabot nila nga concert sunod buwan sa Music Museum nga nag-ulohan og The Diva and The Debonair.
Carla nairita na
Nairita na matud pa si Carla Abellana gumikan kay hangtud karon gidudahan gihapon siya sa iyang mga kritiko nga duna lang gihapon sila’y relasyon sa basketbolista nga si JC Intal. Matud pa sa aktres nga mas maayo nga si JC na lang ang pangutan-on aron matin-aw ang maong intriga.